ଢେଙ୍କାନାଳ, ୦୫/୧୨: ଢେଙ୍କାନାଳ ସହର ମୀନାବଜାର ଅନ୍ତର୍ଗତ ଜଗନ୍ନାଥ ରୋଡ ପାର୍ଶ୍ବ ଗୋଡି ପୋଖରୀ ପଡିଆ ଠାରେ ଅବସରପ୍ରାପ୍ତ ପୌରପରିଷଦ ସ୍ବାସ୍ଥ୍ୟ ନିରୀକ୍ଷକ ଜି. ବିଚିତ୍ରା ରାଓଙ୍କ ଦ୍ବାଦଶ ଦିବସରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଅଛି । ସେ ଗତ ୨୪ ତାରିଖରେ ୯୨ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା । ସେ ଢେଙ୍କାନାଳ ପୌରପରିଷଦର ସାସ୍ଥ୍ୟ ନିରୀକ୍ଷକ ଭାବେ କାର୍ଯ୍ୟରତ ଥିଲେ । ଦୀର୍ଘ ୩୦ ବର୍ଷ ହେବ ଅବସର ଗ୍ରହଣ କରି ଘରେ ରହୁଥିଲେ । ସେ ଜଣେ ମେଳାପି, ମିଷ୍ଟଭାଷୀ ଓ ଧର୍ମପରାଣ ବ୍ୟକ୍ତି ଥିଲେ । ଏହି ଶ୍ରଦ୍ଧାଞ୍ଜଳି ସଭାରେ ପରିବାର ବର୍ଗଙ୍କ ସହିତ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଏହି ଶ୍ରଦ୍ଧାଞ୍ଜଳି ସଭାରେ ସଙ୍ଗୀତ ମହ୍ଲାର ଭଜନ ଭକ୍ତି ପୁଷ୍ପାଞ୍ଜଳି ତରଫରୁ ଭଜନ ପରିବେଷଣ ହୋଇଥିଲା ।
