ବୀରମହାରାଜପୁର -(ଶାନ୍ତନୁ କୁମାର କର୍ଣ୍ଣ )ସାରା ରାଜ୍ୟରେ ଭାରତ ଜୋଡୋ ଘରେ ଘରେ ହାତ, ଘରେ ଘରେ କଂଗ୍ରେସ ଜନସମ୍ପର୍କ ପଦଯାତ୍ରା ଚାଲିଥିବା ବେଳେ ଆଜି ଉଲୁଣ୍ଡା ବ୍ଲକ ଜାଲୋଏ ଅଞ୍ଚଳରେ ଅନୁଷ୍ଠିତ ହୋଇଯାଇଛି । ପିସିସି ସଭାପତି ଶରତ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଉଲୁଣ୍ଡା ବ୍ଲକ ସଭାପତି ପ୍ରଭୁଦତ୍ତ ବସ୍ତିଆ ଙ୍କ ନେତୃତ୍ୱରେ ଶତାଧିକ କର୍ମୀ ସାମିଲ ହୋଇ “ଘରେ ଘରେ କଂଗ୍ରେସ ଘରେ ଘରେ ହାତ” ସ୍ଲୋଗାନ ଦେଇ ଭାରତ ଜୋଡୋ ପଦଯାତ୍ରା ଅନୁଷ୍ଠିତ ହୋଇଯାଇଛି l ଏହି ଅବସରରେ କଂଗ୍ରେସର ନୀତି,ଆଦର୍ଶରେ ଅନୁପ୍ରାଣିତ ହେବାକୁ ଲୋକଙ୍କୁ ସଚେତନ କରାଇବା ସହ କଂଗ୍ରେସ ଦଳର ସଚେତନତା ପତ୍ର ବଣ୍ଟନ କରାଯାଇଥିଲା
ଏହି ଅବସରରେ ବୀରମହାରାଜପୁର ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ପୂର୍ବତନ ଜିଲ୍ଲା ପରିଷଦ ସଭ୍ୟ ରାଜଗୋପାଳ ପାଣିଗ୍ରାହୀ,ଏସପତ୍ରାପାଲି ସରପଞ୍ଚ ସନାତନ ମହାଳିଙ୍ଗ,ପ୍ରଦୀପ ସେଠି ଭୋଳାନାଥ ସାଗର, ରାମଚନ୍ଦ୍ର ବାରିକ ପଦଯାତ୍ରା ରେ ସାମିଲ୍ ହୋଇଥିଲେ। ପଦଯାତ୍ରା ସମୟରେ ବିପର୍ଯ୍ୟସ୍ତ ସ୍ବାସ୍ଥ୍ୟ ସମସ୍ୟା,କୃଷକଙ୍କ ସମସ୍ୟା,ବେକାର ଯୁବକ ଯୁବତୀ ସମସ୍ୟା,ବୃକ୍ଷରୋପଣ ଦୁର୍ନିତି,ମନରେଗା ଦୁର୍ନିତି,ପିସି କାରବାର ବୃଦ୍ଧି, ଜିନିଷ ର ଦରଦାମ ବୃଦ୍ଧି ଓ ଆଜି ପର୍ଯ୍ୟନ୍ତ ଚାଷୀ ର ବିଭିନ୍ନ ପ୍ରକାର ସମସ୍ୟା ସମ୍ପର୍କରେ ଲୋକଙ୍କୁ ଅବଗତ କରାଇଥିଲେ।କଂଗ୍ରେସ ତରଫରୁ ସମସ୍ତ ଗାଁ ଘରେ ଘରେ ଦଳ ପହଞ୍ଚିବ ବୋଲି କୁହାଯାଇଛି।
