ଢେଙ୍କାନାଳ, ଡା. ୧୨/୧୦(ଶୁଭମ ପାଣି) : ଆଜି ପୂର୍ବାହ୍ନରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ୪ ଜଣ ଅସହାୟ ମହିଳାଙ୍କ ଜୀବନ ଜୀବିକା ନିର୍ବାହ ନିମନ୍ତେ ସିଲେଇ ମେସିନ ପ୍ରଦାନ କରିଛନ୍ତି । ହିନ୍ଦୋଳ ବ୍ଲକର ଲିଲି ନାୟକ, କାମାକ୍ଷାନଗର ବ୍ଲକର ରିଲି ସାହୁ, କାଇମାଟିର ପୂଜାରିଣୀ ଦେହୁରୀ ଏବଂ ଭୁବନର ପଦ୍ମିନୀ ଓଝାଙ୍କୁ ଜିଲ୍ଲାପାଳ ଏହି ସିଲେଇ ମେସିନ ପ୍ରଦାନ କରିଛନ୍ତି । ଏହି ମେସିନ ଦ୍ବାରା ରୋଜଗାର ବୃଦ୍ଧି କରି ଜୀବିକା ନିର୍ବାହ କରିବାକୁ ସେ ପରାମର୍ଶ ଦେଇଛନ୍ତି । ସେହିପରି ଢେଙ୍କାନାଳ ମହିଳା ମହାବିଦ୍ୟାଳୟରେ ପାଠ ପଢୁଥିବା ଓଡାପଡା ବ୍ଲକ ଅନ୍ତର୍ଗତ ସାଇଂବିରି ଗ୍ରାମର ଗରିବ ମେଧାବୀ ଛାତ୍ରୀ ସ୍ବାଗତିକା ନାୟକଙ୍କୁ ଜିଲ୍ଲାପାଳ +୨ ପ୍ରଥମ ବର୍ଷର ସମସ୍ତ ପାଠ୍ୟ ପୁସ୍ତକ ପ୍ରଦାନ କରିଛନ୍ତି । ଏହି ସମସ୍ତ ସହାୟତା ଜିଲ୍ଲାରେଡ କ୍ରସ ପାଣ୍ଠିରୁ ପ୍ରଦାନ କରାଯାଇଛି ।
