ଢେଙ୍କାନାଳ,୨୭/୯(ଶୁଭମ ପାଣି): ପରମ୍ପରା ଅନୁଯାୟୀ ପ୍ରତିବର୍ଷ ପରି ସୁନିଆ ବାସୀ ଲକ୍ଷ୍ମୀପୂଜା ପାଇଁ ମିଳିତ ବଜାର ପୂଜା କମିଟିର ମିଳିତ ସଭାପତି ଚୟନ ଶ୍ରୀ ଶ୍ରୀ ମଉଡମଣୀ ପୂଜା ପ୍ରତିଷ୍ଠାନ, ମୀନାବଜାର ପୂଜା କମିଟିର ଆବାହକତ୍ବରେ ମୀନାବଜାର ମଣ୍ଡପ ଠାରେ ହୋଇଯାଇ ଅଛି । ମୀନାବଜାର ସଭାପତି ରବିନାରାୟଣ ମହାନ୍ତିଙ୍କ ଅଧ୍ୟକ୍ଷତାରେ ସଭାକାର୍ଯ୍ୟ ଆରମ୍ଭ ହୋଇଥିଲା । ମିଳିତ ବଜାର ସଂପାଦକ ପିତବାସ ସାହୁ ପୂର୍ବ ବର୍ଷର ବିବରଣୀ ପାଠ କରିଥିଲେ । ପ୍ରଥମେ ମିଳିତ ବଜାର ପୂର୍ବ ବର୍ଷର ସଭାପତି ଗୋପାଳ ଚନ୍ଦ୍ର ପାତ୍ର ତାଙ୍କ ଅଭିଭାଷଣ ରଖୁଥିଲେ ଏବଂ ପରେ ନୂତନ ସଭାପତି ଚୟନ କରାଯାଇଥିଲା । ୩୮ଟି ବଜାରର ସଭାପତି ଓ ସମ୍ପାଦକ ମହାବୀର ବଜାର ସଂପାଦକ ଜ୍ଞାନେନ୍ଦ୍ର ବେହେରାଙ୍କୁ ସର୍ବସମ୍ମତି କ୍ରମେ ମିଳିତ ବଜାର ସଭାପତି ଭାବେ ଚୟନ କରିଥିଲେ । ଶ୍ରୀ ବେହେରା ଦାୟିତ୍ବ ଗ୍ରହଣ କରିବା ପରେ ଚଳିତ ବର୍ଷ ଲକ୍ଷ୍ମୀପୂଜା ଶାନ୍ତିଶୃଙ୍ଖଳା ଓ ମହାଆଡମ୍ବରପୂର୍ଣ୍ଣ ହେବ ବୋଲି ତାଙ୍କ ବକ୍ତବ୍ୟରେ ପ୍ରଦାନ କରିଥିଲେ ।
