ବ୍ରହ୍ମପୁର,୨୪/୯(ଶ୍ରୀକାନ୍ତ କୁମାର ବେହେରା):ସବୁବର୍ଷ ଭଳି ଚଳିତବର୍ଷ ଅଶୋକନଗର ଷଷ୍ଠ ଲାଇନ୍ରେ ଅଶୋକନଗର ଯୁବକ ପୂଜା କମିଟି ପକ୍ଷରୁ ଗଣେଶ ପୂଜା ଆଡ଼ମ୍ବର ସହ ପାଳନ କରାଯାଇଛି। ଏହି ଅବସରରେ ଆଜି ସନ୍ଧ୍ୟାରେ ବ୍ରହ୍ମପୁର ମହାନଗର ନିଗମର ସମସ୍ତ କର୍ପୋରେଟର ଓ ଗୋପାଳପୁର ନିର୍ବାଚନମଣ୍ଡଳୀର ସମସ୍ତ ନିର୍ବାଚିତ ପ୍ରତିନିଧିଙ୍କୁ ପୂଜା କମିଟି ପକ୍ଷରୁ ସ୍ବତନ୍ତ୍ର ସଭାର ଆୟୋଜନ କରାଯାଇ ସମୃଦ୍ଧିତ କରାଯାଇଥିଲା। ପୂଜା କମିଟିର ମୁଖ୍ୟ ତଥା ସ୍ଥାନୀୟ କର୍ପୋରେଟର ସୁରେନ୍ଦ୍ର ମହାରଣା ଓ ଯୁବନେତା ଏ. ସନ୍ତୋଷ ପାତ୍ରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ଯୋଜନା କମିଟି ଅଧ୍ୟକ୍ଷ ତଥା ବିଧାୟକ ବିକ୍ରମ କୁମାର ପଣ୍ଡା, ଜିଲ୍ଲା ବିଜେଡି ସଭାପତି ଡା. ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ମେୟର ସଂଘମିତ୍ରା ଦଳେଇ, ଡେପୁଟି ମେୟର ଇ.ବିବେକ ରେଡ୍ଡୀ, କାଜୁ ନିଗମ ଅଧ୍ୟକ୍ଷ ସୁବାସ ମହାରଣା, ଜିଲ୍ଲା ପରିଷଦ ଉପସଭାନେତ୍ରୀ ଏସ.ରାଜେଶ୍ଵରୀ ଦୋରା,ଗୋପାଳପୁର ଏନ୍ଏସି ଅଧ୍ୟକ୍ଷ ଏ. ଜାନକୀରାମ ,ଜିଲ୍ଲା ପରିଷଦ ଦୀପକ ସମାନ୍ତ, ତୋପୋଇ ଦାସ,ଭାରତୀ ନାୟକ,ରଙ୍ଗେଇଲୁଣ୍ଡା ବ୍ଲକ ସଭାପତି ଅଜିତ କୁମାର ଦାଶ,ବ୍ଲକ ମହିଳା ସଭାନେତ୍ରୀ ଏସ ମେନକା ରେଡ଼ି,ମହାନଗର ସଭାନେତ୍ରୀ ଡ଼ା ସୋନାଲି ଗନ୍ତାୟତଙ୍କ ସମେତ ଗୋପାଳପୁର ବ୍ଲକ୍, ଏନ୍ଏସିର ନିର୍ବାଚିତ ପ୍ରତିନିଧି ଓ ବିଜେଡି କାର୍ଯ୍ୟକର୍ତ୍ତାମାନେ ଉପସ୍ଥିତ ଥିଲେ। ନିଗମର ସମସ୍ତ କର୍ପୋରେଟରଙ୍କ ସମେତ ଉପସ୍ଥିତ ନିର୍ବାଚିତ ପ୍ରତିନିଧିଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଆକର୍ଷଣ ଥିଲେ ଓଡ଼ିଆ ସିନେ ଜଗତର ତାରକା ସବ୍ୟସାଚୀ ମିଶ୍ର। ଶ୍ରୀମିଶ୍ର ଉପସ୍ଥିତ ରହି ସମସ୍ତଙ୍କୁ ନଚାଇ ମସଗୁଲ କରାଇଥିଲେ। ଏପରି କି ଜୁନିୟର ପ୍ରିନ୍ସ ଡ୍ୟାନ୍ସ ଗ୍ରୁପର ଜଣେ ଛୋଟ ଶିଶୁ ଗଣେଶ ବେଶ ଧରି ଡ୍ୟାନ୍ସ କରିଥିଲେ । ସିନେ ତାରକା ସବ୍ୟସାଚୀ ସେହି ଗଣେଶଙ୍କୁ କାଖେଇ ଧରିଲେ ଆଉ ଫୋଟ ମଧ୍ୟ ନେଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ମହାନଗର ବିଜେଡ଼ି ସଭାପତି ବିଜୟ ସାମଲ, ଛାତ୍ର ଜୋନ୍ ସଭାପତି ଜ୍ୟୋତିରଞ୍ଜନ ସାହୁ, ଯୁବ ସଭାପତି ଅଜିତ କୁମାର ପଣ୍ଡା ,ଛାତ୍ର ସଭାପତି ଶୋଭନ୍ ନାୟକ,ରଣ୍ଡା ସରପଞ୍ଚ ଅଜିତ ରାଉଳ,ଧର୍ମା ରେଡ଼ି, କମିଟି ସଦସ୍ୟ ସୁରଜ ମହାରଣା(କାଳୁ),ଆଦିତ୍ୟ ପଟ୍ଟନାୟକ,କିରଣ ସାହୁ, ଶିବ ପାଢ଼ୀ, ସଞ୍ଜୟ ସାହୁ,ବିଚିତ୍ରଙ୍କ ସମେତ ବହୁ ସଦସ୍ୟ ପ୍ରମୁଖ ଉପସ୍ଥିତ ଥିଲେ ।
