ଠାକୁରଗଡ଼,୦୧/୦୯ (ବୁଲୁ ଦଳେଇ):ଆଠମଲ୍ଲିକ ବ୍ଲକ କନ୍ତ ପଡ଼ା ପଞ୍ଚାୟତର ମେଲଣ ପଡିଆରେ ଏକ ବିରାଟ କୃଷକ ସମାବେଶ ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟ କ୍ରମରେ ପ୍ରାୟ 5ହଜାରରୁ ଉର୍ଦ୍ଧ୍ବ କୃଷକ ଯୋଗ ଦେଇ ଥିଲେ। ମୁଖ୍ୟ ଅତିଥି ଭାବେ ଆଠମଲ୍ଲିକ ବିଧାନ ସଭା କ୍ଷେତ୍ର ର ବିଧାୟକ ରମେଶ ଚନ୍ଦ୍ର ସାୟ ଯୋଗ ଦେଇ କୃଷକ ମାନଙ୍କୁ ଉଦବୋଧନ ଦେଇଥିଲେ। ନିର୍ବାଚନ ମଣ୍ଡଳୀ ର ବର୍ଷୀୟାନ କୃଷକ ମାନଙ୍କୁ ଏଥିରେ ସମ୍ବୋଧିତ କରିବା ସହ ଉପଢୌକନ ଦେଇ ସମ୍ମାନିତ କରିଥିଲେ। ଏହି କାର୍ଯ୍ୟ କ୍ରମରେ ଆଠମଲ୍ଲିକ ବ୍ଲକ ବିଜେଡି ସଭାପତି ବୃନ୍ଦାବନ ସାହୁ ସଭାପତିତ୍ବ କରିଥିଲେ। ଆଠମଲ୍ଲିକ ବାର ଆସୋସିସନର ବରିଷ୍ଠ ସଦସ୍ୟ ତଥା ବିଜେଡ଼ି ର ବରିଷ୍ଟ ନେତା ବିଜୟ କୁମାର ମହାକୁଡ଼ ଅତିଥି ପରିଚୟ ଓ ମଞ୍ଚ ପରିଚାଳନା କରିଥିଲେ। ବର୍ଷୀୟାନ କୃଷକ ନେତା ସଚ୍ଚିଦାନନ୍ଦ ମହାନ୍ତି,6 ନମ୍ୱର୍ ଜୋନ ର ଜିଲ୍ଲା ପରିଷଦ ସଦସ୍ୟ ଯୁଧିଷ୍ଠିର ସିଂହ, ସରପଞ୍ଚ ଶୁଭସ୍ମିତା ପୋଢ଼, ବିଧାୟକଙ୍କ ଆଠମଲ୍ଲିକ ପ୍ରତିନିଧି ରତନ୍ କୁମାର୍ ରଥ, କିଶୋରନର ପ୍ରତିନିଧି କ।ଲନ୍ଦୀ ଚରଣ ପ୍ରଧାନ, ଆଦିବାସୀ ନେତା ମାଗୁଣୀ ଚରଣ ନାୟକ, ଚୌଧୁରୀ ଚରଣ ସାୟ, ତରଣୀ ସେନ୍ ନାୟକ, କୁମୁଦ ଚନ୍ଦ୍ର ମିଶ୍ର, ରୋହିତ କୁମାର ପୋଡ଼ ପ୍ରମୁଖ ଉପସ୍ଥିତ ଥିଲେ। ଜିଲ୍ଲା ଜନ ଜାତି ଉନ୍ନୟନ ପରିଷଦ ଅଧ୍ୟକ୍ଷ ସଦାଶିବ ନାୟକ ମଞ୍ଚ।ଷିନ ଥିଲେ। ଏହି ସଭାରେ କୃଷକ ମାନଙ୍କ ସମସ୍ୟା, ଚାଷ ଜମି କୁ ପାଣି, ଉନ୍ନତ ସାର ବିହନ ଯୋଗାଣ ଉପରେ ଅତିଥି ମାନେ ବିସ୍ତୃତ ଆଲୋଚନା କରି ଥିଲେ।
