ଠାକୁରଗଡ଼,୨୫/୦୮( ବୁଲୁ ଦଳେଇ): ଆଠମଲ୍ଲିକ ବ୍ଲକ ଅମ୍ବସର ମୁଣ୍ଡା ପଞ୍ଚାୟତ ଅନ୍ତର୍ଗତ ପୋଡପଦର୍ ଗ୍ରାମ୍ୟ ଜଙ୍ଗଲ ପାହାଡ ରୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଠାକୁରଗଡ଼ ଥାନା ପୁଲିସ୍ ଉଦ୍ଧାର କରିଛି। ମୃତା ମହିଳା ଙ୍କ ନାମ ଶଶି ନାୟକ (୨୫) ଓ ତାଙ୍କ ପୈତୃକ ଘର ବନ୍ଧ ଗାଁ ରେ। ସେ ଏହି ଥାନା ଅନ୍ତର୍ଗତ ମାଇମୁରା ପଞ୍ଚାୟତର କଳିଯି କଟା ଗ୍ରାମ ର ନିଚଳ ନାୟକ ଙ୍କୁ ୬ ବର୍ଷ ତଳେ ବିବାହ କରିଥିଲେ ଓ ତାଙ୍କର ୪ ବର୍ଷ ବୟସ ର ଏକ ଶିଶୁ ପୁତ୍ର ଅଛି। ପୁଲିସ୍ ସୂତ୍ରରୁ ପ୍ରକାଶ ଯେ ଗତ କାଲି ସେ ବନ୍ଧ ଗାଁ ରୁ ବ୍ୟାଙ୍କ୍ କାମରେ ଆସି ଆଉ ଘରକୁ ଫେରି ନ ଥିଲେ। ଆଜି ସକାଳେ ସେହି ଜଙ୍ଗଲ କୁ ଛେଳି ଚରାଇବା ପାଇଁ ଯାଇଥିବା କେତେକ ଲୋକ ଗାଁ ଲୋକଙ୍କୁ ଜଣାଇଥିଲେ। ପରେ ପୁଲିସ୍ ଖବର ପାଇ ଘଟଣା ସ୍ଥଳରେ ପହଁଚି ସବ ଜବତ୍ କରିବା ସହ ପଞ୍ଚ ନାମା ପାଇଁ ଆଠମଲ୍ଲିକ ଉପ ଖଣ୍ଡ ଡ଼ାକ୍ତର ଖାନା କୁ ପଠାଇ ଅଧିକ ତଦନ୍ତ ଜାରି ରଖିଛି।
