ରାୟଗଡା,(ପ୍ରଫୁଲ କୁମାର ବେହେରା ): ରାୟଗଡା ଜିଲା କାଶୀପୁର ଏବିଇଓ ରେଙ୍ଗୁ ନାଏକଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି । ବ୍ଲକର ଶିକ୍ଷକ ଶିକ୍ଷୟିତ୍ରୀ ସଙ୍ଘ ଏବଂ ବିଇଓ କାର୍ଯ୍ୟାଳୟ ପକ୍ଷରୁ ସ୍ଥାନୀୟ ଉଚ୍ଚ ବିଦ୍ୟାଳୟ ପରିସରରେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏବିଇଓ ନବୀନ ଖରାଙ୍କ ସଭାପତିତ୍ୱ ଆୟୋଜିତ ସମ୍ବର୍ଦ୍ଧନା ସଭାରେ ରାୟଗଡ଼ା ଡିଇଓ ,ପୂର୍ଣ୍ଣ ଚନ୍ଦ୍ର ବରିହା ମୁଖ୍ୟ ଅତିଥି, ଶିକ୍ଷାବିତ୍ ସୁରେନ୍ଦ୍ର ପଟନାୟକ ମୁଖ୍ୟବକ୍ତା ଏବଂ ବିଷମ କଟକସ୍ଥିତ ଜିଲ୍ଲା ପ୍ରଶିକ୍ଷଣ ପ୍ରତିଷ୍ଠାନ ଅଧ୍ୟକ୍ଷ ଏମ କେ ଶୈଳ ରାଜ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ସେହିପରି ମଞ୍ଚାସିନ ଅତିଥିଙ୍କ ମଧ୍ୟରେ ଏବିଇଓ କୁଳ ରଞ୍ଜନସୁନା, ବିଦ୍ୟାଧର ମାଝୀ, କଲ୍ୟାଣ ସିଂହ ପୁର ବ୍ଲକ ଏବିଇଓ ପବିତ୍ର ମୋହନ ନାଏକ ସହିତ ଟିକିରି ଏବଂ କାଶୀପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟତ୍ରୀ ଏବଂ ମନୋଜ କୁମାର ଗୌଡ଼ ସହିତ ବ୍ଲକ ଶିକ୍ଷୟିତ୍ରୀ ଏବଂ ଶିକ୍ଷକ ସଙ୍ଘର କାର୍ଯ୍ୟକର୍ତ୍ତା ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ତାଙ୍କ କାର୍ଯ୍ୟ ଦକ୍ଷତାକୁ ପ୍ରଶଂସା କରାଯାଇ ଚାକିରି କାଳର ଅବଶିଷ୍ଟ ସମୟ ସୁଖ ଶାନ୍ତିରେ ବିତାଇବା ପାଇଁ କାମନା କରାଯାଇଥିଲା । ସେ ବ୍ଲକର ଶିକ୍ଷା ଏବଂ ଶିକ୍ଷକ ଶିକ୍ଷୟିତ୍ରୀଙ୍କ ସମସ୍ୟାକୁ ଅତି ସହଜରେ ସମାଧାନ କରିପାରୁଥିବାରୁ ସମସ୍ତଙ୍କ ପ୍ରିୟଭାଜନ ହୋଇ ପାରିଥିବା ପ୍ରକାଶ କରାଯାଇଥିଲା । ଏହି ଅବସରରେ ବିଭିନ୍ନ ପ୍ରାଥମିକ ଏବଂ ଉଚ୍ଚ ବିଦ୍ୟାଳୟର ପାଞ୍ଚ ଶହରୁ ଅଧିକ ଜଣ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ପ୍ରିୟ ଶିକ୍ଷା ଅଧିକାରୀଙ୍କ ସମ୍ପର୍କରେ ବକ୍ତବ୍ୟ ରଖିଥିଲେ ।
