ରାୟଗଡ଼ା,୧୬/୦୪(ପ୍ରଫୁଲ କୁମାର ବେହେରା): ଆଜି ଦିନ ସକାଳ ୮.୦୦ ସମୟରେ ରାୟଗଡ ବ୍ଲକ୍ ର ଗାନ୍ଧୀ ନଗର ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ନୂତନ ପେନସନଭୁକ୍ତ ପ୍ରାଥମିକ ଶିକ୍ଷକମାନଙ୍କର ଏକ ଜରୁରୀ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଜିଲ୍ଲା ପର୍ଯ୍ୟବେକ୍ଷକ ଭାବେ ବିଷମକଟକ ବ୍ଲକର ଶିକ୍ଷକ ଶ୍ରୀ ରାଜେନ୍ଦ୍ର ଗାଜିବିଲି, ରାୟଗଡ ଜିଲ୍ଲା ନୂତନ ପେନସନଭୁକ୍ତ ପ୍ରାଥମିକ ଶିକ୍ଷକ ସଂଘର ସଭାପତି ଶ୍ରୀ ସୋମନାଥ ଗରଡା ଯୋଗ ଦେଇଥିଲେ । ଆଜିକାର ବୈଠକରେ ରାୟଗଡ ବ୍ଲକ୍ ନୂତନ ପେନସନଭୁକ୍ତ ଶିକ୍ଷକ ସଂଘର ନୂତନ କର୍ମକର୍ତ୍ତା ଚୟନ କରାଯାଇଥିଲା । ସଭାପତି ଭାବେ ଶ୍ରୀ ପୁରନ୍ଦର ପାଣି, କାର୍ଯ୍ୟକାରୀ ସଭାପତି ରୂପେ ଶ୍ରୀ ଆର୍. ବିଜୟ କୁମାର, ସାଧାରଣ ସମ୍ପାଦକ ଭାବେ ଶ୍ରୀମତୀ ତନୁଶ୍ରୀ ସ୍ମରଣୀକା ମିଶ୍ର, ସାଙ୍ଗଠନିକ ସମ୍ପାଦକ ଭାବେ ଶ୍ରୀ ସୁରେଶ ମହାନ୍ତି, ଉପ-ସଭାପତି ଶ୍ରୀ କର୍ଣ୍ଣ ବିଡିକା ଓ ଶ୍ରୀମତୀ ଚିନ୍ମୟୀ ଶୁଭସ୍ମିତା ଦାସ, ସହ-ସମ୍ପାଦକ ରୂପେ ଶ୍ରୀ ଲାଡି ଶତୀଶ କୁମାର, ରାଜେଶ ସାହୁ ଓ ଶ୍ରୀମତୀ ମାଳାଦେଈ ବିଡ଼ିକା,ମିଡିଆ ସଂଯୋଜକ ଭାବେ ଶ୍ରୀ ଶଙ୍କର ନାରାୟଣ ବେହେରା ଓ T.V.V. ସତ୍ୟ ନାରାୟଣ,କୋଷାଧ୍ୟକ୍ଷ ଭାବେ ଶ୍ରୀ ଭି.ରମେଶ ଚୟନ ନିର୍ବାଚିତ ହୋଇଥିଲେ । ଏହି କାର୍ଯ୍ଯକ୍ରମରେ ଜିଲ୍ଲା ନୂତନ ପେନସନଭୁକ୍ତ ଶିକ୍ଷକ ସଂଘ ଉପ ସଭାପତି ଶ୍ରୀମତୀ ପ୍ରଣତୀ ହିମିରିକା ମଞ୍ଚ ପରିଚାଳନା କରିଥିବା ବେଳେ ଜିଲ୍ଲା ନୂତନ ପେନସନଭୁକ୍ତ ଶିକ୍ଷକ ସଂଘ କୋଷାଧ୍ୟକ୍ଷ ଶ୍ରୀ ଆନନ୍ଦ ତାଡିଙ୍ଗି ପରିଚାଳନାରେ ସହଯୋଗ କରିଥିଲେ।
