ବାଲିଗୁଡା:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ଫୁଲବାଣୀ ବ୍ଳକ ଅନ୍ତର୍ଗତ ବରପଦା ସ୍ୱାମୀ ଚିଦାନନ୍ଦ ବିଦ୍ୟାଳୟ ପକ୍ଷରୁ ତୁମୁଡ଼ିବନ୍ଧ ବ୍ଳକ ଅନ୍ତର୍ଗତ ବେଲଘର ପଂଚାୟତର ବୁଲୁବାରୁ ଗ୍ରାମରେ ଅନ୍ନ ଓ ବସ୍ତ୍ର ଯଜ୍ଞ ଆୟୋଜିତ ହୋଇଯାଇଛି । ଏଥିରେ ୩ଟି ପଂଚାୟତ ବେଲଘର, ଝିରିପାଣି ଓ ବିଲାମାଳର ଶତାଧିକ ଅଞ୍ଚଳବାସୀ ଯୋଗଦେଇଥିଲେ । କାର୍ଯ୍ୟକ୍ରମରେ ବରପଦା ସ୍ଥିତ ବିଦ୍ୟାଳୟର ସମସ୍ତ ଶତାଧିକ ଛାତ୍ରଛାତ୍ରୀ ଓ ଶିକ୍ଷୟିତ୍ରୀ ମାନେ ଯୋଗଦେଇ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଏଥିରେ ଅତିଥିଭାବେ କଟକ ଜିଲା ଅନ୍ତର୍ଗତ ମାହାଙ୍ଗରୁ ଭାବ ଅମ୍ୟତାନନ୍ଦ ଅବଧୁତ ଓ ସମ୍ବଲପୁର ଜିଲାରୁ ରୁଦ୍ରଦେବାନନ୍ଦ ଯୋଗଦେଇଥିଲେ ।ବିଦ୍ୟାଳୟର ନିର୍ଦ୍ଦେଶକ କିଶୋର ପ୍ରଧାନଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବଂଶୀଧର ନାୟକ, ନିରଞ୍ଜନ ନାଏକ, ମୋଟୁ ନାଏକ, କିସାନ୍ ପରାସେଟ୍, ସମାଜସେବୀ ଲିଙ୍ଗା ପ୍ରଧାନ ପ୍ରମୁଖ ଯୋଗଦେଇ ସହଯୋଗ କରିଥିଲେ । କାର୍ଯ୍ୟକ୍ରମରେ ଶତାଧିକ ଅସହାୟ ବ୍ୟକ୍ତିଙ୍କୁ କମ୍ବଳ ବଣ୍ଟନ କରାଯାଇଥିବା ବେଳେ ଯୋଗଦେଇଥିବା ସମସ୍ତ ବ୍ୟକ୍ତି ମାନେ ଅନ୍ନ ଯଜ୍ଞରେ ସାମିଲ୍ ହୋଇଥିଲେ । ଏହି ଅବସରରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ପକ୍ଷରୁ ମଧ୍ୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଯଜ୍ଞର ପରିଶେଷରେ କୁଟିଆ ଅଧିବାସୀ ମାନଙ୍କ ଦ୍ୱାରା କୁଟିଆ ନୃତ୍ୟ ସହିତ ବିଭିନ୍ନ ନୃତ୍ୟ ପରିବେଷଣ କରାଯାଇଥିଲା । ବିଦ୍ୟାଳୟ ପକ୍ଷରୁ ଏଭଳି ଅଭିନବ କାର୍ଯ୍ୟକ୍ରମ ଆୟୋଜନ କରାଯାଇଥିବା ଯୋଗୁଁ ଅଞ୍ଚଳବାସୀ ବେସ୍ ପ୍ରଶଂସା କରିଥିଲେ ।
