ଢେ଼ଙ୍କାନାଳ,(ଶୁଭମ ପାଣି) : ଭାରତୀୟ ରେଡକ୍ରସ ସୋସାଇଟି ନିର୍ଦ୍ଦେଶ କ୍ରମେ ଢେ଼ଙ୍କାନାଳ ଯୁବ ରେଡକ୍ରସ ର ଜିଲ୍ଲାସ୍ତରୀୟ କାର୍ଯ୍ୟକାରିଣୀ ବୈଠକ ଢେ଼ଙ୍କାନାଳ ସ୍ଵୟଂ ଶାସିତ ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଅଛି। ଜିଲ୍ଲା ରେଡକ୍ରସ ଉପସଭାପତି ଶ୍ରୀ ରବି ନାରାୟଣ ପାନି ମୁଖ୍ୟ ଅତିଥି ଏବଂ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀ ରଣଜିତ୍ କୁମାର ପ୍ରଧାନ ଯୋଗଦେଇ ଯୁବ ରେଡକ୍ରସ ର ବିଭିନ୍ନ କାର୍ଯ୍ୟ ସେବା ମୂଳକ କାର୍ଯ୍ୟକୁ ତ୍ୱରାନ୍ୱିତ କରିବାକୁ ଆହ୍ବାନ କରିଥିଲେ। ବୈଠକରେ ପ୍ରାୟ ୩୦ ଟିଏବଂ ଜିଲ୍ଲା ସ୍ତରୀୟ ମହାବିଦ୍ୟାଳୟର ପରାମର୍ଶଦାତା ମାନେ ଯୋଗ ଦେଇଥିଲେ। ଆସନ୍ତା ଶିକ୍ଷବର୍ଷ ପାଇଁ ସମାଜ ସେବା ମୂଳକ କାର୍ଯ୍ୟକ୍ରମର ସୂଚୀ ପ୍ରସ୍ତୁତ କରାଯିବ ଓ ଜିଲ୍ଲାସ୍ତରୀୟ ଯୁବ ରେଡକ୍ରସ ର ଶିକ୍ଷା ଓ ପ୍ରଶିକ୍ଷଣ ଶିବିର ପାଇଁ ବିଭିନ୍ନ ମହାବିଦ୍ୟାଳୟ ମାନଙ୍କୁ ଚୟନ କରାଯାଇଛି ବୋଲି ବୈଠକରେ ସୂଚନା ଦିଆଯାଇଥିଲା। ଢେଙ୍କାନାଳ ମହାବିଦ୍ୟାଳୟ ର ପୂର୍ବତନ ଆବାହକ ଡା. ଦେବାଶିଷ ମହାନ୍ତି କାର୍ଯ୍ୟକ୍ରମର ଉପସ୍ଥିତ ଥିଲେ। ଜିଲ୍ଲା ଆବାହକ ଡା. ପୂର୍ଣ୍ଣଚନ୍ଦ୍ର ବରାଳ ସ୍ବାଗତ ଭାଷଣ ଦେବାସହ କାର୍ଯ୍ୟକ୍ରମର ବିବରଣୀ ଦେଇଥିଲେ। ଯୁବ ରେଡକ୍ରସ ର ଜିଲ୍ଲା ସଂଯୋଜକ ଡା. ଭୂପେଶ ଚନ୍ଦ୍ର ସାହୁ ଏହି ବୈଠକ ପରିଚାଳନା ସହ ଧନ୍ୟବାଦ୍ ଅର୍ପଣ କରିଥିଲେ।
