ବାଲୁଗାଁ ହତ୍ୟା ସଂଘବଦ୍ଧ ହତ୍ୟା ଘଟଣାରେ ବାଲୁଗାଁ ପୋଲିସ କୁ ବଡ଼ ସଫଳତା ମିଳିଛି ବାଲୁଗାଁ ଥାନା ଅନ୍ତର୍ଗତ ରଘୁନାଥପୁର ଗ୍ରାମରେ ଘଟିଥିବା ରଙ୍କନାଥ ସାହୁଙ୍କ ହତ୍ୟା ଘଟଣାରେ ଆଜି 5 ଅଭିଯୁକ୍ତଙ୍କୁ ଗିରଫ କରିଛି ବାଲୁଗାଁ ପୋଲିସ । ଏ ନେଇ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ସୂଚନା ଦେଇଛନ୍ତି । ଖୋର୍ଦ୍ଧା ଏସପି ଉକ୍ତ ହତ୍ୟା ଘଟଣାକୁ ଗୁରୁତର ସହ ନେଇଥିଲେ ଏବଂ ତାଙ୍କ ନିର୍ଦେଶକ୍ରମେ ଜିଲ୍ଲା ଏବଂ ଜିଲ୍ଲା ବାହାରେ ବିଭିନ୍ନ ସ୍ଥାନରେ ବାଲୁଗାଁ ପୋଲିସ ଓ ସ୍ୱତନ୍ତ୍ର ସ୍କ୍ୱାର୍ଡର ଏକାଧିକ ଟିମ ଚଢ଼ାଉ ଜାରି ରଖି ୫ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ବାଲୁଗାଁ ଥାନା ଅଧିନସ୍ଥ ରଘୁନାଥପୁର ଗ୍ରାମର ପଦ୍ମ ଚରଣ ରାଉତ , ପ୍ରଭାତ କୁମାର ରାଉତ , କାଳୁଚରଣ ରାଉତ , ନବୀନ ରାଉତ , ରାଜ କିଶୋର ରାଉତ ।
ଗତ ୧ ତାରିଖ ବିଳମ୍ବିତ ରାତିରେ ରଙ୍କନାଥ ସାହୁ ଓ ରାଜ କିଶୋର ରାଉତ ପରିବାର ମଧ୍ୟରେ ସାମାନ୍ୟ ବଚସା କୁ ନେଇ ତୁମୁଳକାଣ୍ଡ ଘଟିଥିଲା । ଉଭୟଙ୍କ ମଧ୍ୟରେ ମାର୍-ପିଟ୍ ରେ ଜଣଙ୍କ ମୃତ ହୋଇଥିଲା । ଏନେଇ ମୃତକ ପରିବାର ବାଲୁଗାଁ ଥାନାରେ ଅଭିଯୋଗ କରିବା ପରେ ବାଲୁଗାଁ ଥାନା ପକ୍ଷରୁ କେସ୍ ନଂ. ୧୫୧/୨୨ ରେ ଏକ ହତ୍ୟାକାଣ୍ଡ ମାମଲା ରୁଜୁ କରି ପ୍ରାଥମିକ ତଦନ୍ତ ପରେ ହତ୍ୟାକାଣ୍ଡର ଘଟଣାରେ ସଂପୃକ୍ତ ଥିବା ୫ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି
