କାଳୁପଡ଼ା ଘାଟ:-୦୯/୦୨(ବିନୁ ଦାସ୍)-ଆଜିସନ୍ଧ୍ୟା ରେ ଖୋର୍ଦ୍ଧାରୋଡ଼ ରେଳ ଡିଭିଜନ ଅନ୍ତର୍ଗତ ସୋଲାରୀ ରେଳ ଷ୍ଟେସନ ଆଙ୍କୁଲା ପଞ୍ଚୁ ଦୋଳ ରେଳ ଫାଟକ ନିକଟରେ ଖୋର୍ଦ୍ଧା ରୋଡ଼ ରେଳ ଷ୍ଟେସନ ରୁ ବ୍ରହ୍ମପୁର ଅଭିମୁଖେ ଯାଉଥିବା କୋଇଲା ବୋଝେଇ ରେଳଗାଡି ର ଗୋଟିଏ ବଗି ଅପ ଲାଇନରେ ଲାଇନ ଚ୍ୟୁତ । ଯାହା ଫଳରେ ଭୁବନେଶ୍ୱର ରୁ ବ୍ରହ୍ମପୁର ଅଭିମୁଖେ ବିଭିନ୍ନ ଟ୍ରେନ ବିଭିନ୍ନ ସ୍ଥାନରେ ଅଟକି ରହିଛି । କୋଣାର୍କ ଏକ୍ସପ୍ରେସ ଗଙ୍ଗାଧର ପୁର ଷ୍ଟେସନରେ ଅଟକି ରହିଥିବା ବେଳେ କାଳୁପଡ଼ା ଘାଟ ଷ୍ଟେସନ ନିକଟରେ ହାଓଡ଼ା ସିକିନ୍ଦାରାବାଦ ଫଲକନାମା ଏକ୍ସପ୍ରେସ ଅଟକି ରହିଥିଲା।
ରେଳବିଭାଗ ଅଧିକାରୀ ଏବଂ କର୍ମଚାରୀ ଘଟଣା ସ୍ଥଳରେ ପହଞ୍ଚି ଲାଇନଚ୍ୟୁତ ରେଲବଗି କୁ ଟ୍ରାକ କୁ ଆଣିବାକୁ ଚେଷ୍ଟା ଜାରି ରହିଛି।ସୂଚନା ମୁତାବକ ଏକ କୋଇଲା ବୋଝେଇ ମାଲଗାଡ଼ି କେଉଁଝର ଠାରୁ ବିଶାଖାପାଟଣା ଅଭିମୁଖେ ଯାଉଥିବା ବେଳେ ମାଲ ବାହି ରେଳଗାଡ଼ି ର ୧୨ ନଂ ବଗିଟି ଟ୍ରାକ ଉପରୁ ଚକା ଖସି ଯାଇଥିଲା । ରେଳବିଭାଗ ପକ୍ଷରୁ ଘଟଣା ସ୍ଥଳରେ କର୍ମଚାରୀ ମାନେ ପହଁଚି ଏକ ଜେସିବି ମାଧ୍ୟମରେ ଉଧାର କାର୍ଯ୍ୟ ଜାରି ରଖିଛନ୍ତି । ଦୀର୍ଘ ସମୟ ପରେ ବିପରୀତ ରେଳ ଷ୍ଟେସନ ଟ୍ରାକରେ ଟ୍ରେନ ହେଲା ଯାତାୟତ ।
