ରାଜଗାଙ୍ଗପୁର,୧୨/୧୨(ମନୋଜ ଭୋଳ): ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ରେ ଆଜି ରେଳ ଧାରଣା କଡରୁ ଜଣେ ଅଜଣା ଯୁବତୀର ମୃତ ଦେହ ଉଦ୍ଧାର ହୋଇଛି | ସୂଚନା ଅନୁଯାୟୀ ରାଜଗାଙ୍ଗପୁର ସହର ସ୍ଥିତ ଜୌରୁ ମାଲ ନିକଟରେ ଥିବା ରେଳ ଲାଇନ କଡ଼ରେ ଥିବା ନାଳ ମଧ୍ୟରୁ ଯୁବତୀଙ୍କ ମୃତଦେହ ମିଳିଥିଲା |ଆଜି ସଖାଳେ ସ୍ଥାନୀୟ ଲୋକ ଯୁବତୀଙ୍କ ମୃତ ଦେହ ଦେଖିଥିଲେ |ଏହା ପରେ ଏହି ଖବର ପ୍ରଚାର ହେବା ପରେ ସେଠାରେ ଲୋକଙ୍କ ଭିଡ଼ ଲାଗିଥିଲା |ମୃତ ଯୁବତୀ ଜଣଙ୍କ ପରିଚୟ ମିଳିନଥିବା ବେଳେ ମୃତ ଯୁବତୀଙ୍କ ଶରୀର ବହୁତ କ୍ଷତ ବିକ୍ଷତ ଚିହ୍ନ ରହିଥିବା ଜଣାପଡିଛି |ଖବର ପାଇ ଜି ଆର ପି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରି ମୃତ ଦେହ କୁ ଉଦ୍ଧାର କରି ରାଜଗାଙ୍ଗପୁର ସରକାରୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ଜଣାପଡିଛି |ମୃତ ଯୁବତୀ ଜଣକ ବ୍ଲାକ କଲର ଲେଗିନ୍ସ ଓ ଗୋଲାପୀ ଓ ଧଳା କଲର ର ଟପ ପିନ୍ଧିଥିବା ଜଣାପଡ଼ିଥିବା ବେଲେ ଯୁବତୀଙ୍କ ପରିଚୟ ମିଳିପାରିନାହିଁ |
