ଟାଙ୍ଗୀ,୧୮/୦୭ (ବିନୁ ଦାସ୍) ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ କାଳୁପଡ଼ା ଘାଟ ଜରିପଡ଼ା ପଞ୍ଚାୟତ ଅନ୍ତର୍ଗତ ପାଣିଦୁଆର ଗ୍ରାମରେ ଏକ ତେଜରାତି ଦୋକାନ ନିଆଁଲାଗି ସମ୍ପୁର୍ଣ୍ଣ ଭସ୍ମୀଭୂତ ହୋଇଯାଇଛି । ପ୍ରାପ୍ତ ସୂଚନା ମୁତାବକ ପାଣିଦୁଆର ଗ୍ରାମର କାଳିଆ ବେହେରା ଏକ ତେଜରାତି ଦୋକାନ କରି ନିଜର ଗୁଜୁରଣ ମେଣ୍ଟାଉଥିବା ବେଳେ କୌଣସି କାରଣରୁ ଦୋକାନରେ ନିଆଁ ଲାଗି ଲକ୍ଷାଧିକ ଟଙ୍କାର ଜିନିଷ ପତ୍ର ପୋଡି ଛାରଖାର ହୋଇଯାଇଛି ।
ଅଗ୍ନିକାଣ୍ଡର ସଠିକ କାରଣ ଜଣାପଡୁନାହିଁ କିନ୍ତୁ ବ୍ୟବସାୟୀଙ୍କର ଫ୍ରିଜ ଠାରୁ ଆରମ୍ଭ କରି ସମସ୍ତ ଜିନିଷ ପୋଡିଯାଇଛି।ଅପରପକ୍ଷରେ ଦମକଳ ଗାଡି ଗ୍ରାମବାସୀଙ୍କର ଅଭିଯୋଗ ଅନୁଯାୟୀ ଠିକ ସମୟରେ ଆସିଥିଲେ ବି ଦଲବେହେରା ସାହି ରାସ୍ତା ସ୍ଥାନୀୟ ଗ୍ରାମବାସୀ ଉଭୟ ପଟୁ ରାସ୍ତାଟି ଜବର ଦଖଲ ହୋଉଥିବାଯୋଗୁଁ ଦୁଇଶହ ମିଟର ରାସ୍ତାକୁ ଦେଢ଼ଘଣ୍ଟା ବିଳମ୍ବରେ ପହଞ୍ଚି ଥିଲା ଏପରିକି ରାସ୍ତା ଅବରୋଧ ହଟେଇବାକୁ ଦମକଳ ବାହିନୀ ଦେଢ଼ଘଣ୍ଟା ପରିଶ୍ରମ କରି ଅଗ୍ନିକାଣ୍ଡ ସ୍ଥଳକୁ ଗଲାବେଳେ ଗାଡିଟି କ୍ଷତିଗ୍ରସ୍ତ ହୋଇ ଭାଙ୍ଗି ଯାଇଛି।ବିଳମ୍ବରେ ଦମକଳ ଗାଡି ପହଂଚିବାରୁ ଦୋକାନଟି ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ଚିଲିକା ତହସିଲ ଅଞ୍ଚଳରେ ଦିନକୁ ଦିନ ରାସ୍ତା ଜବର ଦଖଲ ବଢି ଚାଲିଛି । ଏ ଦିଗରେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ ତେଣୁ ଦିନକୁ ଦିନ ରାସ୍ତା ଅବରୋଧ ବଢ଼ି ଚାଲିଛି । ତୁରନ୍ତ ଏ ଦିଗରେ ତହସିଲଦାର ଚିଲିକା କଡା ଆଭିମୁଖ୍ୟ ନେବାକୁ ସାଧାରଣରେ ଦାବି ହେଉଛି।
