ଟାଙ୍ଗୀ,୨୨/୦୬(ବିନୁ ଦାସ୍):-ସାରା ରାଜ୍ୟରେ ଲକ୍ ଡାଉନ ଏବଂ ସଟ୍ ଡାଉନ ଚାଲିଥିବା ବେଳେ ଏହାର ସୁବିଧା ସୁଯୋଗ ନେଇ ମାତିଛନ୍ତି ନିଶା ମାଫିଆ । ପ୍ରାପ୍ତ ସୂଚନା ମୁତାବକ ନିରାକାରପୁର ପୋଲିସ ପକ୍ଷରୁ ନୂଆ ଜଗନାଥ ସଡ଼କର କାଶୀପୁର ଠାରୁ ବ୍ୟବହୃତ କାର ସମେତ ୧୨୯ ଲିଟର ଦେଶୀ ଓ ବିଦେଶୀ ମଦ ଜବତ. ଏନେଇ ନିରାକାରପୁର ପୋଲିସ ପକ୍ଷରୁ ୧୦୫/୨୧ ରେ ମାମଲା ରୁଜୁ କରିଛି, ଘଟଣା ସ୍ଥଳରୁ ଡ୍ରାଇଭର ଫେରାର ହୋଇ ଯାଇଛି। ନିରାକାରପୁର ଥାନାଧିକାରିଣୀ ଗିତାଞ୍ଜଳି ନାୟକ ପ୍ରେସମିଟରେ ସୂଚନା ଦେବାସହ ଦୁଇଜଣ ଆସାମୀ ଚିହ୍ନଟ ହୋଇଥିବା ବେଳେ ଖୁବଶୀଘ୍ର ଗିରଫ କରାଯିବାର ସୂଚନା ଦେଇଛନ୍ତି । ଅପରପକ୍ଷରେ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକଙ୍କର କଡ଼ା ଆଭିମୁଖ୍ୟ ଯୋଗୁଁ ବିଭିନ୍ନ ସ୍ଥାନରେ ପୋଲିସ ବିଭାଗ ପ୍ରଶଂସନୀୟ କାର୍ଯ୍ୟ କରି ସାଧାରଣରେ ପ୍ରିୟଭାଜନ ହୋଇପାରିଛି ପୋଲିସ ବିଭାଗ ।
