ଖୋର୍ଦ୍ଧା,୨୨/୦୪: ଖୋର୍ଦ୍ଧା ପିତାପଲ୍ଲୀ ନିକଟରୁ ୫ ଭାଲୁ ଛୁଆ ଉଦ୍ଧାର । ଚନ୍ଦକା ଥାନାର ପିସିଆର ପ୍ରଥମେ ଖବର ପାଇ ଭାଲୁକୁ ଉଦ୍ଧାର କରିଥିବା ଜଣାପଡିଛି । ଏହି ସ୍ଥାନଟି ଖୋର୍ଦ୍ଧା ବନଖଣ୍ଡ ଅଧିନରେ ଆସୁଛି । ଏହି ୫ ଭାଲୁ ଛୁଆକୁ ସ୍ଥାନୀୟ ଲୋକମାନେ ଦେଖିବା ପରେ ପିସିଆରକୁ ଖବର ଦେଇଥିଲେ । ପୋଲିସ ପହଞ୍ଚିବା ବେଳକୁ ସବୁ ଭାଲୁ ଛୁଆମାନେ ରାସ୍ତା ଉପରେ ଖେଳୁଥିଲେ । ବହୁ ସମୟ ପରେ ମଧ୍ୟ ସ୍ଥାନୀୟ ଲୋକ ମା’ ଭାଲୁକୁ ଦେଖିନଥିଲେ । ପ୍ରଥମେ ଭାଲୁ ଛୁଆମାନଙ୍କୁ ଓୟୁଏଟି ନିଆଯାଇ ସ୍ବାସ୍ଥ୍ୟ ପରୀକ୍ଷା କରିବା ପରେ ନନ୍ଦନକାନନ ନିଆଯିବ ବୋଲି ସୂଚନା ମିଳିଛି । ତେବେ ଏହି ଭାଲୁ ଛୁଆ କେଉଁ ଅଞ୍ଚଳରୁ ଆସିଛନ୍ତି ତାହା ଜଣାପଡ଼ିନାହିଁ ।
