ଗୋପ,୨୭।୦୮ : ପୁରୀ ଜିଲ୍ଲା ଗୋପ ବ୍ଲକ ଅନ୍ତର୍ଗତ ଛଇତନା ପଂଚାୟତର କୋଟିପତି ଜିଆର୍ଏସ୍ ଗୋବିନ୍ଦ ଚନ୍ଦ୍ର ପରିଡାଙ୍କୁ ଆଜି ଭିଜିଲାନ୍ସ ଗିରଫ କରିଛି। ପୁରୀ ଭିଜିଲାନ୍ସ ଡିଏସପି ହର ନାରାୟଣ ପତିଙ୍କ ନେତୃତ୍ୱରେ ଆଜି ୬ ଜଣିଆ ଟିମ୍ ଏକକାଳୀନ ଛଇତନା ସ୍ଥିତ ପଂଚାୟତ କାର୍ଯ୍ୟାଳୟ, ତରକୋର ପଂଚାୟତର ବାଲିକପିଳେଶ୍ୱର ଛକ ନିକଟ କ୍ଲିନିକ୍, ପୁରୀରେ ଥିବା ତିନି ମହଲା ଦୁଇଟି କୋଠାଘର ସମେତ ତାଙ୍କର ନିଜସ୍ୱ ବାସଭବନ ଆଳଶଙ୍ଖାରେ ଅଚାନକ ଚଢଉ କରିଥିଲାା ଚଢଉ ସମୟରେ ଜଣାପଡିଛି ଜିଆର୍ଏସ୍ ଜଣକ ନିଜକୁ ଡାକ୍ତର କହି ରୋଗୀ ଚିକିତ୍ସା କରୁଥିଲେ। ସୂଚନା ଅନୁଯାୟୀ ଜିଆରଏସ ତଥା ନକଲି ଡାକ୍ତରଙ୍କର ସମୁଦାୟ ୧.୭୦କୋଟି ଟଙ୍କାର ସମ୍ପତି ଠାବ ହୋଇଛି।। ତାଙ୍କ ପାଖରେ ରହିଛି ୧.୫୦ କୋଟି ଟଙ୍କା ଆୟ ବର୍ହିଭୂତ ସମ୍ପତ୍ତି। ପୁରୀରେ ତିନିମହଲା ବିଶିଷ୍ଟ ଦୁଇଟି କୋଠାଘର, ଏକ ଘରୋଇ କ୍ଲିନିକ୍ ଓ ଔଷଧ ଦୋକାନ, ୧୬ ଲକ୍ଷ ୭୦ ହଜାର ବ୍ୟାଙ୍କ ବାଲାନ୍ସ ଓ ୭ ଲକ୍ଷ ୬୨ ହଜାର ବୀମା, ୫ ଟି ପ୍ଲଟ୍, ଏକ ଏକର ପରିମିତ ନିଜ ଗ୍ରାମରେ ଚାଷଜମି, ଗୃହୋପକରଣ ୨ ଲକ୍ଷ ୮୬ ହଜାର ସମେତ ନଗଦ ୪ଲକ୍ଷ ୨୮ହଜାର ୯୬୦ଟଙ୍କା ଜବତ ହୋଇଥିବା ପ୍ରାଥମିକ ଆକଳନରୁ ଜଣାପଡିଛି।
