ଖୋର୍ଦ୍ଧା: ଖୋର୍ଦ୍ଧା ସବ୍ ଡିଭିଜନରେ ଏଣିକି ସକାଳ ୫ଟାରୁ ସନ୍ଧ୍ୟା ୭ଟା ଯାଏ ଖୋଲା ରହିବ ଦୋକାନ ବଜାର। ରାତି ୯ଟାରୁ ସକାଳ ୫ଟା ଯାଏ ବଳବତ୍ତର ରହିବ କର୍ଫ୍ୟୁ । ପୂର୍ବ ଭଳି ପ୍ରତି ଶନିବାର ଓ ରବିବାର କିନ୍ତୁ ଶଟଡାଉନ୍ କଟକଣା ବଳବତ୍ତର ରହିବ।
ପୂର୍ବରୁ ସକାଳ ୭ରୁ ଦିନ ୨ଟା ଯାଏଁ ଦୋକାନ, ବଜାର ଖୋଲା ରହୁଥିବା ବେଳେ ଏବେ କିନ୍ତୁ ଏହାକୁ ସାମାନ୍ୟ କୋହଳ କରାଯାଇଛି।
ସୂଚନାଯୋଗ୍ୟ , ଖୋର୍ଦ୍ଧା ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ୮୪୭ରେ ପହଞ୍ଚିଥିବା ବେଳେ ସେମାନଙ୍କ ମଧ୍ୟରୁ ୬୩୦ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଆକ୍ଟିଭ କେସ୍ ହେଉଛି ୨୧୦। ଖୋର୍ଦ୍ଧା ଜିଲ୍ଲାରେ କରୋନା ଯୋଗୁ ୫ ଜଣଙ୍କ ମୃତ୍ୟୁ ହୋଇ ସାରିଲାଣି।
