ଆଠମଲ୍ଲିକ,(ବୁଲୁ ଦଳେଇ): ଆଠମଲ୍ଲିକ ବନ ଖଣ୍ଡ ଧଣ୍ଡାତୋପା ବନା ଞ୍ଚଳ ସପଘରା ପଞ୍ଚାୟତର ସିଶୁକଟା ଜଙ୍ଗଲରେ ଏକ ଦନ୍ତା ହାତୀ ମାରିପଡ଼ିଥିବ ଦେଖି ସ୍ଥାନୀୟ ଗୋରୁ ଚରାଲି ମାନେ ଦେଖି ବନ ବିଭାଗ କର୍ମଚାରୀ ମାନଙ୍କୁ ଖବର ଦେବା ପରେ ଘଟଣା ସ୍ଥଳରେ ଆଠମଲ୍ଲିକ ବନ ଖଣ୍ଡ ଅଧିକାରୀ ସନ୍ତୋଷ କୁମାର କପୁଲା, ଧଣ୍ଡଟୋପା ରେଞ୍ଜ ଅଧିକାରୀ ବାବୃବହାନ ସାହୁ, ପାଇକ ସାହି ଫରେଷ୍ଟର ଓ ବନ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ଅନୁଧ୍ୟାନ କରିବା ସହ ପ୍ରାଣୀ ଚିକିତ୍ସକ ଙ୍କୁ ଡାକି ଦନ୍ତା ହାତୀ ର ପଞ୍ଚନମା କରିବା ସହ ମାଟି ଖୋଳି ପୋତି ଦେଇଛନ୍ତି। ମୃତ ଦନ୍ତା ହାତୀ ର ବୟସ ୨୦ ରୁ ୨୨ ବର୍ଷ ହେବ ବୋଲି ବନ ବିଭାଗ ଅନୁମାନ କରିଛି। ଗତ ୨୦୨୩ ମସିହାରେ ଅନୁରୂପ ଭାବେ ଏହି ଜଙ୍ଗଲ ରେ ବିଦ୍ୟୁତ୍ ଆଘାତରେ ଗୋଟିଏ ଦନ୍ତା ହାତୀ ର ମୃତ୍ୟୁ ଘଟିଥିଲା। କିନ୍ତୁ ଆଜି ମରିଥିବା ହାତୀର କିଭଳି ମୃତ୍ୟୁ ହୋଇଛି ତାହା ପୋଷ୍ଟ ମୋର୍ଟମ୍ ରିପୋର୍ଟ ଆସିବା ପରେ ଜଣା ପଡ଼ିବ ବୋଲି ଡି ଏଫ୍ ଓ ଶ୍ରୀ କପୂଲା କହିଛନ୍ତି।
