ଆଠମଲ୍ଲିକ,(ବୁଲୁ ଦଳେଇ):ଆଠମଲ୍ଲିକ ବନଖଣ୍ଡ ଧଣ୍ଡାତୋପା ବନ ବିଭାଗ ପକ୍ଷରୁ ଗୁରୁବାର ରାତି ପ୍ରାୟ ୩ ଟା ବେଳେ ଏକ ପିକ ଅପ୍ ଭ୍ୟାନ ରେ ଚୋରା କାଠ ଚାଲାଣ ହେଉଥିବା ନେଇ ରେଞ୍ଜ ଅଧିକାରୀ ବବୃବହାନ ସାହୁ ବିଶ୍ୱସ୍ତ ସୂତ୍ରରୁ ଖବର ପାଇ ଫରେଷ୍ଟର ଗୌର ଚନ୍ଦ୍ର ଦନ୍ତା, ଷ୍ଟାଫ୍ ରାକେଶ କୁମାର ସାହୁ, ନବ କୁମାର ସାହୁ ପ୍ରମୁଖ ସଦଳ ବଳେ ଆଲେଖପୁର ନାଳ ନିକଟରେ ଛକି ରହିଥିଲେ। ଓଡି ୧୯-୬୭୪୬ ନମ୍ୱର ପିକ ଅପ୍ ଭ୍ୟାନ ରେ ଚୋରା ରେ ଯାଉଥିବା ୨୨ ଗୋଟି ଶାଳ କାଠ ଜବତ କରିବା ସହ ଗାଡ଼ି ମାଲିକ ତଥା ଡ୍ରାଇଭର ନଛ ମନ୍ ପ୍ରଧାନ ଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି। ଶାଳ କାଠ ଗୁଡ଼ିକର ବଜାର ମୂଲ୍ୟ ୭୦ ହଜାର ଟଙ୍କା ହେବ ବୋଲି ରେଞ୍ଜ ଅଧିକାରୀ କହିଛନ୍ତି।
