ଦାରିଙ୍ଗବାଡି,(ତରଣୀ ସାହୁ) ବ୍ରାହ୍ମଣୀଗାଁ ଥାନା ଅଧିନସ୍ତ କୁମ୍ଭାରିଗାଁ ପଞ୍ଚାୟତର ଆଭ୍ୟନ୍ତରଣ ଅଞ୍ଚଳର ଗଜପତି ଜିଲ୍ଲା ସୀମାନ୍ତରେ ଥିବା ରାଜନଗଡ ଗ୍ରାମ ନିକଟ ଜଙ୍ଗଲରୁ ୧୯୧ କେଜି ଗଞ୍ଜେଇ ଜବତ କରିଥିବା ଥାନା ଅଧିକାରୀ ଚିରଞ୍ଜିବି ବେହେରାଙ୍କ ସୁଚନା ରହିଛି। ବିଶେଷ ସୁତ୍ରରୁ ଖବର ପାଇ ଥାନା ଅଧିକାରୀଙ୍କ ନେତୃତ୍ବରେ ଏସ ଆଈ ଅମରେନ୍ଦ୍ର ସୁବୁଦ୍ଧିଙ୍କ ସହିତ କନେଷ୍ଟବଲ ଓ ଗୃହରକ୍ଷୀ ସମୁହ ପାଡିକିଆର ରାଜନଗଡ ଗ୍ରାମ ନିକଟ ଜଙ୍ଗଲରେ ପହଞ୍ଚି ଛାନଭିନ କରି ୧୯୧ କେଜି ଗଞ୍ଜେଇ ଠାବ କରିଥିଲେ । ଏହା ପରେ ପୋଲିସ ଗଞ୍ଜେଇକୁ ଜବତ କରିଥିଲା । ଥାନା ପକ୍ଷରୁ ମାମଲା ନମ୍ବର ୧୨୦/୨୪ ରୁଜୁ କରାଯାଇ ଘଟଣାର ଅଧିକ ତଦନ୍ତ କରାଯାଉଥିବା ଥାନା ଅଧିକାରୀ ସୁଚନା ଦେଇଛନ୍ତି ।
