ଢେଙ୍କାନାଳ,୩୧.୦୮(ଶୁଭମ ପାଣି):ଆଜି ଢେଙ୍କାନାଳ ଡା଼କମଣ୍ଡଳ ତରଫରୁ ଜାତୀୟ କ୍ରୀଡା ଦିବସ ପାଳନ କରାଯାଇ ଅଛି। ଏହି ଜାତୀୟ କ୍ରୀଡା ଦିବସକୁ ସ୍ମରଣ କରିବା ପାଇଁ, ଢେଙ୍କାନାଳ ଡାକ ମଣ୍ଡଳ ତରଫରୁ ଢେଙ୍କାନାଳ ‘ବ୍ରଜନାଥ ବଡ଼ଜେନା ଉଚ୍ଚ ବିଦ୍ୟାଳୟ ପଡିଆ’ ରେ ଏକ କ୍ରିକେଟ୍ ମ୍ୟାଚ୍ର ର ଆୟୋଜନ କରାଯାଇଥିଲା । ଢ଼େଙ୍କାନାଳ ଡାକ ବିଭାଗର କର୍ମଚାରୀମାନେ ଉତ୍ସାହର ସହିତ ଏହି ମ୍ୟାଚରେ ଅଂଶଗ୍ରହଣ କରିଥିଲେ | ଢେଙ୍କାନାଳ ଡାକ ମଣ୍ଡଳର ଡାକ ଅଧିକ୍ଷକ ଶ୍ରୀଯୁକ୍ତ ଜଗଦୀଶ ଦାଶ ଏହି ଉତ୍ସବକୁ ଉଦ୍ଘାଟନ କରିଥିଲେ। ଏହାପରେ ଜାତୀୟ ସଂଗୀତ ଗାନ କରାଯିବା ସହିତ ‘ଜାତୀୟ କ୍ରୀଡା ଦିବସ’ ଉପଲକ୍ଷେ ଶପଥ ପାଠ କରାଯାଇ କ୍ରିକେଟ୍ ମ୍ୟାଚ ଆରମ୍ଭ କରାଯାଇଥିଲା। ଶାରୀରିକ ସୁସ୍ଥତାକୁ ପ୍ରୋତ୍ସାହିତ କରିବା ଏବଂ ଡାକ କର୍ମଚାରୀଙ୍କ ମଧ୍ୟରେ ଏକତାର ଭାବନା ବଢାଇବା ପାଇଁ ଏହି କାର୍ଯ୍ୟକ୍ରମ ଏକ ସଫଳ ଥିଲା | ଢେଙ୍କାନାଳ ଡାକ ମଣ୍ଡଳର ଉପ ଅଧୀକ୍ଷକ ଶ୍ରୀଯୁକ୍ତ ନୀଳମଣି ଜାନି , ଅଫିସ ସୁପରଭାଇଜର ଶ୍ରୀଯୁକ୍ତ ବିଷ୍ଣୁପ୍ରସାଦ ନାଏକ ଏବଂ ଢେଙ୍କାନାଳ ଉପ ଡାକ ମଣ୍ଡଳର ନିରୀକ୍ଷକ ଶ୍ରୀଯୁକ୍ତ ସଦାଶିବ ରାଉତ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ।
