ଦାରିଙ୍ଗବାଡି,୧୮/୮(ତରଣୀ ସାହୁ): ଦାରିଙ୍ଗବାଡି ବ୍ଲକର ଉପାନ୍ତ ଅଞ୍ଚଳ ଭାବେ ଜଣାଶୁଣା କଲିଙ୍ଗ ଗ୍ରାମର ଲୋକେ ଜିଓ ନେଟୱର୍କ ସେବା ପାଇ ପାରିଛନ୍ତି । ଦୀର୍ଘ ଦିନର ସ୍ବପ୍ନ ପୂରଣ ହୋଇଛି । ଅଗଷ୍ଟ ୧୫ ତାରିଖ ନେଟୱର୍କ ସେବା ଲୋକେ ପାଇ ପାରିଛନ୍ତି । ଉକ୍ତ ଅଂଚଳରେ ନେଟୱର୍କ ସେବା ନଥିବା ଯୋଗୁଁ ଅଞ୍ଚଳବାସୀ ଅନେକ ସମସ୍ୟାର ସମ୍ମୁଖୀନ ହେଉଥିଲେ । ବର୍ତମାନ ନେଟୱର୍କ ସେବା ପାଇବା ଫଳରେ ଅନେକ ଅନଲାଇନ କାମ ସହ ଜରୁରୀକାଳୀନ ସମୟରେ ଯୋଗାଯୋଗ ହୋଇ ପାରୁଛି । କଲିଙ୍ଗ ଗ୍ରାମରେ ଜିଓ ନେଟୱର୍କ କାର୍ଯ୍ୟକାରୀ ହେବା ଫଳରେ ସୁଲୁମାହା, ଜାଡାଙ୍ଗି, କିଲିମେରା, ବାହାମାହା ଓ ପାସ୍କା ଅଞ୍ଚଳର ଶତାଧିକ ଲୋକେ ଉପକୃତ ହୋଇ ପାରିଛନ୍ତି । କଲିଙ୍ଗ ଗ୍ରାମର ଗାନ୍ଧୀ ସିଂ, ମହାଦେବ ମଲ୍ଲିକ କିଶୋର ନାହାକ ଡକ୍ଟର ବିବେକା ନନ୍ଦ ନାୟକ ଙ୍କ ସମେତ ଅଞ୍ଚଳବାସୀ ପ୍ରଶାସନ କୁ ଧନ୍ୟବାଦ୍ ପ୍ରଦାନ କରିଛନ୍ତି ।
