ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଯୋଗୁଁ ଅହେତୁକ ସୂର୍ଯ୍ୟତାପ ବଢି ଚାଲିଛି। ଆଜି ଚ଼େତନା କ୍ୟାମ୍ପସ ଠାରେ ଭୁବନେଶ୍ବର ରୋଟାରୀ କ୍ଲବ ୟୁନିକ୍ ପକ୍ଷରୁ ଚେତନାର ଭୁବନେଶ୍ୱର ଏବଂ ଡମପଡ଼ାରେ ରହୁଥିବା ଅନ୍ତେବାସୀଙ୍କ ପାଇଁ ଛତା ବଣ୍ଟନ କରାଯାଇଛି।ଭୁବନେଶ୍ବର ରୋଟାରୀ କ୍ଲବ୍ ୟୁନିକ୍ ର ସଭାପତି ରୋଟାରୀଆନ ଆର୍ଯ୍ୟ କୁମାରୀ ପାଣିଗ୍ରାହୀ ଏବଂ ରୋଟାରୀଆନ୍ ଦିବ୍ୟରଞ୍ଜନ ଦାଶ ଚେତନା ଅନୁଷ୍ଠାନରେ ଉପସ୍ଥିତ ରହି ଚେତନା ସ୍ୱତନ୍ତ୍ର ଶିକ୍ଷା ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ବିନୟ ଭୂଷଣ ମହାପାତ୍ର,ଚେତନା ସ୍ୱତନ୍ତ୍ର ବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ସବିତା ପ୍ରଧାନ ଏବଂ ଅନୁଷ୍ଠାନର ସମସ୍ତ କର୍ମକର୍ତ୍ତାଙ୍କୁ ଚେତନାର ଅନ୍ତେବାସୀ ମାନଙ୍କ ପାଇଁ ଛତା ଗୁଡିକୁ ପ୍ରଦାନ କରିଥିଲେ।ଉକ୍ତ ସାମାଜିକ ସାପେକ୍ଷ କାର୍ଯ୍ୟକୁ ପ୍ରତ୍ଯେକ ମହଲରେ ପ୍ରଶଂସା କରାଯାଇଛି ଏବଂ ଚେତନାର କର୍ମକର୍ତ୍ତା ମାନେ ରୋଟାରୀ କ୍ଲବ ୟୁନିକକୁ ସାଧୁବାଦ ଜଣାଇଛନ୍ତି।
