ରାୟଗଡା,୨୦.୦୪(ଅମୁଲ୍ୟ ନିଶଙ୍କ):ମାନ୍ୟବର ମନ୍ତ୍ରୀ ତଥା ବିଷମକଟକ ବିଧାୟକ ପ୍ରାର୍ଥୀ ଜଗନ୍ନାଥ ସାରକା ଆଜି ବିଷମକଟକ ନିର୍ବାଚନ ମଣ୍ଡଳୀ ଅନ୍ତର୍ଗତ କଲ୍ୟାଣସିଂହପୁର ବ୍ଲକର ବୁଡ଼ାଗୁଡା ପଞ୍ଚାୟତର ବିଭିନ୍ନ ଗ୍ରାମକୁ ଗସ୍ତକରି ସ୍ଥାନୀୟ ଲୋକଙ୍କ ସୁବିଧା, ଅସୁବିଧା ବୁଝିବା ସହ ଅଞ୍ଚଳ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଛନ୍ତି। ଏହି ଗସ୍ତ ଅବସରରେ ମାନ୍ୟବର ମନ୍ତ୍ରୀ ଶ୍ରୀ ଜଗନ୍ନାଥ ସାରକା କଣ୍ଡାକୁରା ଠାରେ ଆୟୋଜିତ କ୍ରିକେଟ ଟୁର୍ନାମେଣ୍ଟର ଶୁଭାରମ୍ଭ କରିବା ସହ ଖେଳାଳୀଙ୍କୁ ଉତ୍ସାହିତ କରିଛନ୍ତି । ଏହି କାର୍ଯ୍ୟକ୍ରମରେ କଲ୍ୟାଣସିଂହପୁର ବ୍ଲକ ଅଧ୍ୟକ୍ଷା ଶ୍ରୀମତୀ ଅମ୍ରିତା କାଡ୍ରାକା,ଉପାଧ୍ୟକ୍ଷ ଶ୍ରୀ ଡମ୍ବରୁ କଞ୍ଜାକା, ଯୁବ ସଭାପତି ଶ୍ରୀ ରାଜୀବ ନାଏକ, ବିଜେଡି ନେତା ଶ୍ରୀ ଭୀମ ବାଗ ଓ ଶ୍ରୀ ଗୋପୀନାଥ ପେରେସିକା,ସଞ୍ଜୟ ପ୍ରଧାନଙ୍କ ସମେତ ସ୍ଥାନୀୟ ବିଜେଡି ନେତୃମଣ୍ଡଳୀ ଉପସ୍ଥିତ ରହିଥିଲେ। ମାନ୍ୟବର ମନ୍ତ୍ରୀ ଶ୍ରୀ ଜଗନ୍ନାଥ ସାରକାଙ୍କ ପ୍ରତି ଲୋକମାନଙ୍କ ଭରପୁର ସମର୍ଥନ ଦେଖିବାକୁ ମିଳିଛି । ଏହି ଭଲପାଇବା ଓ ସମର୍ଥନକୁ ଅକ୍ଷୁର୍ଣ ରଖି ପୁଣିଥରେ ବିଜେଡିକୁ ଭୋଟ ଦେବା ପାଇଁ ମାନ୍ୟବର ମନ୍ତ୍ରୀ ସମସ୍ତଙ୍କୁ ଅନୁରୋଧ କରିଛନ୍ତି।
