ଢେଙ୍କାନାଳ,୧୪/୪(ଶୁଭମ ପାଣି): ଢେଙ୍କାନାଳ ସହର କୋରିଆଁ ସ୍ଥିତ ସ୍ଵପ୍ନେଶ୍ଵର ମନ୍ଦିର ପ୍ରାଙ୍ଗଣରେ ଥିବା ହନୁମାନ ଜୟନ୍ତୀ ଉତ୍ସବ ମହା ଆଡମ୍ବରରେ ପାଳିତ କରାଯାଇଅଛି । ଚଳିତ ମାସ ୧୨ ତାରିଖ ଠାରୁ ୧୪ ତାରିଖ ପର୍ଯ୍ୟନ୍ତ ହନୁମାନ ମନ୍ଦିରର ମୁଖ୍ୟ କର୍ମକର୍ତା ଦିନେଶ କୁମାର ପ୍ରଧାନ, ସଂପାଦକ ଅଜୟ କୁମାର ଦାସ, ଉପସଭାପତି ବସନ୍ତ ବେହେରା, କୋଷାଧ୍ଯକ୍ଷ ମନୋରଞ୍ଜନ ନାୟକ ଓ ସମସ୍ତ କର୍କମକର୍ତାଙ୍କ ମାଧ୍ୟମରେ ପୂଜା କାର୍ଯ୍ୟ ସମାପନ ହୋଇଥିବାବେଳେ ପ୍ରଦୀପ ମହାପାତ୍ର ଓ ଜନ୍ମେଜୟ ନାୟକଙ୍କ ଦ୍ବାରା ପ୍ରତିଦିନ ସୂର୍ଯ୍ୟପୂଜା, ଗୋ-ପୂଜା ଓ ଯଜ୍ଞକାର୍ଯ୍ୟ ଏବଂ ରୁଦ୍ରାଭିଷେକ ପାଳନ କରାଯାଇଥିଲା । ଏହା ସହିତ ହନୁମାନଚାଳିଶା ପଠନ, ପଂଚଉପଚାର ପୂଜା, ଯଜ୍ଞ ପୂର୍ଣହୁତି, ନାମସଂକୀର୍ତନ, ପଣାଭୋଗ ଲାଗି ଓ ପ୍ରସାଦସେବନ ଭକ୍ତମାନେ ପାଇଥିଲେ ।
