ଜୟପାଟଣା,(ମହା ଭାରତ) : କପୁରମାଲର ଭୀମ ଆର୍ମି କ୍ରିକେଟ କ୍ଲବ ଦ୍ୱାରା ଆୟୋଜିତ କ୍ରୀଡା ଫୁଟବଲ ଟୁର୍ଣ୍ଣାମେଣ୍ଟ ବ୍ଲକର ସମସ୍ତ ଗ୍ରାମ ପଞ୍ଚାୟତର ଫୁଟବଲ ଦଳ ଯୋଗ ଦେଇଥିଲେ। ଗତ ୨୯ ତାରିଖ ଠାରୁ ଗ୍ରାମ ପଞ୍ଚାୟତ ସ୍ତରୀୟ ଫୁଟବଲ ପ୍ରତିଯୋଗିତା ଜୟପାଟଣା ସ୍ଥିତ +୨ କଲେଜ୍ ଖେଳ ପଡ଼ିଆରେ ଅନୁଷ୍ଠିତ ହୋଇଯାଇଛି। ଗତ ୮ ତାରିଖ ମହା ଶିବରାତ୍ରି ଅବସରରେ ଫାଇନାଲ ଖେଳ ସ୍ଥାନୀୟ ବାନେର ଗ୍ରାମ ପଞ୍ଚାୟତ ଏବଂ ବାଣ୍ଡିଗାଁ ଗ୍ରାମ ପଞ୍ଚାୟତ ମଧ୍ଯରେ ହୋଇଥିଲା । ଦୁଇ ଦଳର ରୋମାଞ୍ଚକର ଖେଳରେ ଶେଷ ମୁହୂର୍ତ୍ତରେ ବାନେର ଦଳ ଗୋଲ ସ୍କୋର କରି ବିଜୟୀ ହୋଇଥିଲେ । ବିଜେତାଙ୍କୁ ଟ୍ରଫି ସହ ନଗଦ ୨୦ ହଜାର ଟଙ୍କା ଏବଂ ଉପ ବିଜେତାଙ୍କୁ ଟ୍ରାଫି ସହ ନଗଦ ୧୫ ହଜାର ଟଙ୍କା ପ୍ରଦାନ କରାଯାଇଥିଲା । ଫାଇନାଲ ଖେଳରେ ମୁଖ୍ୟ ଅତିଥି ଭାବେ ସ୍ଥାନୀୟ ଲାଞ୍ଜିଗଡ ବିଧାୟକ ପ୍ରଦୀପ ଦିସାରି ଯୋଗ ଦେଇଥିଲେ। ମୁଖ୍ୟବକ୍ତାରେ ପୁରାତନ କ୍ରୀଡାବିତ୍ ସାମ୍ବାଦିକ ଜଗମୋହନ ପଟ୍ଟନାୟକ ଏବଂ ସମ୍ମାନିତ ଅତିଥି ରେ ସମାଜସେବୀ ମାର୍କଣ୍ଡ ପଣ୍ଡା, ବିଜେଡି ସଭାନେତ୍ରୀ କୌଶଲ୍ୟା ନାଏକ, ଗଣେଶ ବାଗ, ନିକୁଞ୍ଜ ବିହାରୀ ନାଏକ,ନଟବର ହରିଜନ, ଶ୍ରୀକାନ୍ତ ଦୁର୍ଗା, ଆଦିତ୍ୟ ପ୍ରହରିଆ,ଲକ୍ଷ୍ମଣ ନାୟକ,ଅନିଲ ସାହୁ ପ୍ରମୁଖ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ । ସପ୍ତାହେ ବ୍ୟାପୀ ଖେଳପ୍ରେମୀଙ୍କୁ ଉତ୍ସାହିତ କରିଥିବା ଏହି ଟୁର୍ଣ୍ଣାମେଣ୍ଟ କୁ କପୂର୍ଣାଲ ଭୀମ ଆର୍ମି କ୍ରିକେଟ କ୍ଲବର ସଭାପତି ମାଧବ ବାଗ, ଉପସଭାପତି ନବୀନ ବାଗ,ସାଧାରଣ ସମ୍ପାଦକ ମଣ୍ଟୁ ନାଏକ ଏବଂ କ୍ଲବର ସମସ୍ତ ସଦସ୍ୟ ଅକ୍ଳାନ୍ତ ପରିଶ୍ରମ କରିଥିଲେ ।କ୍ରୀଡା କ୍ଷେତ୍ରରେ ଜୟପାଟଣାର ଭୂମିକା ସର୍ବଦା ଅତୁଳନୀୟ ଅଟେ।
