ଜୟପାଟଣା,୨୨/୦୧(ମଳୟ କୁମାର ସାହୁ):-ଅଯୋଧ୍ୟା ରେ ପ୍ରଭୂ ଶ୍ରୀ ରାମ ଲାଲା ଙ୍କ ଭବ୍ୟ ମନ୍ଦିର ପ୍ରତିଷ୍ଠା ଅବସରରେ ଚଳ ଚଞ୍ଚଳ ଗାଁ ରୁ ସହର। ଆଜି ଅଯୋଧ୍ୟା ରେ ପ୍ରଭୂ ଶ୍ରୀ ରାମ ଲାଲା ଙ୍କ ପ୍ରାଣ ପ୍ରତିଷ୍ଠା ଅନୁଷ୍ଠିତ ହେବାକୁ ଯାଉଥିବାବେଳେ ସାରା ଦେଶ ଓ ରାଜ୍ୟର ସନାତନ ଧର୍ମୀ ଲୋକେ ଆଜି ଖୁସିରେ ଆତ୍ମ ବିଭୋର ହୋଇ ନିଜ ନିଜ ଗ୍ରାମରେ ମଧ୍ୟ ଏକତ୍ରିତ ହୋଇ ପ୍ରାଣ ପ୍ରତିଷ୍ଠା ଉତ୍ସବ କୁ ମହା ଆଡ଼ମ୍ବରରେ ପାଳନ କରୁଥିବା ବେଳେ କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ର କନକପୁର ଗ୍ରାମର ସମସ୍ତ ଜନସାଧାରଣ ଏକଜୁଟ ହୋଇ ଛୋଟ ଛୋଟ ୪ଜଣ ଶିଶୁ ଯଥା – ବେଣୁଧର ନାୟକ ଙ୍କ ପୁତ୍ର ଅରମାନ ନାୟକ ଙ୍କୁ ପ୍ରଭୁ ଶ୍ରୀରାମ ଙ୍କ ବେଶରେ ସୁସଜ୍ଜିତ କରି ବୈକୁଣ୍ଠ ନାୟକ ଙ୍କ ପୁତ୍ର ଆର୍ ୟନ ନାୟକ ଙ୍କୁ ପ୍ରଭୁ ଶ୍ରୀଲକ୍ଷ୍ମଣ ବେଶରେ ସୁସଜ୍ଜିତ କରି ସୁମନ୍ତ କୁମାର ସାହୁ ଙ୍କ ଝିଅ ଅନୁଷ୍କା ସାହୁ ଙ୍କୁ ମାତା ସୀତା ଙ୍କ ବେଶରେ ସୁସଜ୍ଜିତ କରି ଓ ଶଶିଧର ନାଏକ ଙ୍କୁ ହନୁମାନ ବେଶରେ ସୁସଜ୍ଜିତ କରି ଗ୍ରାମର ମନ୍ଦିର ପାଖର ଗ୍ରାମ ଛକରେ ସମସ୍ତ ଜନସାଧରଣ ରୁଣ୍ଡ ହୋଇ ପୂଜାର୍ଚ୍ଚନା କରି ରାମ ନାମ କୀର୍ତ୍ତନ କରି ପ୍ରଭୂ ଶ୍ରୀ ରାମ ଙ୍କ ଜୟ ଧ୍ଵନି କରି ମଙ୍ଗଳପୁର ଗ୍ରାମକୁ ପରିକ୍ରମା କରିଥିଲେ। ଏବଂ ସମସ୍ତେ ଏକତ୍ରିତ ହୋଇ ପ୍ରସାଦ ସେବନ କରିଥିଲେ । ଏଠାରେ ଗ୍ରାମର ବୟ ଜ୍ୱେଷ୍ଠ ପୂର୍ଣ୍ଣ ଚନ୍ଦ୍ର ସାହୁ,ଯୋଗିନ୍ଦ୍ର ସାହୁ,ଶଙ୍କର ସାହୁ ଓ ଦିନବନ୍ଧୁ ପୁଝାରୀ ଯୋଗ ଦେଇ ଥିବା ବେଳେ ସମସ୍ତ ଗ୍ରାମ ବାସୀ ମହିଳା , ପୁରୁଷ , ଛାତ୍ର ଛାତ୍ରୀ ଅଂଶ ଗ୍ରହଣ କରିଥିଲେ । ଏହା ଗ୍ରାମ କମିଟି ଦ୍ବାରା ପରିଚାଳିତ ହୋଇଥିଲା।
