ଆଠମଲ୍ଲିକ,୨୫/୧୨( ବୁଲୁ ଦଳେଇ) : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ ମଇମୁରା ଗ୍ରାମ ପଞ୍ଚାୟତ ଧୋଡାଖୋଳ ଗ୍ରାମ ର ଯୁବ ସମାଜ ସେବୀ ସଞ୍ଜୟ ପ୍ରଧାନ ଆଜି ବଡ଼ଦିନ ଅବସର ରେ ଏହି ପଞ୍ଚାୟତ ଅନ୍ତର୍ଗତ କୋରାବ , ଧାତୁକିବାହଲ, ଘଣାଯୋଡ଼ି, କଳଚିକଟା ଗ୍ରାମରେ ଥିବା କେତେକ ନିରାଶ୍ରୟ ବୃଦ୍ଧ ବୃଦ୍ଧା, ଭିନ୍ନକ୍ଷମ ଯୁବକ ଯୁବତୀ, ବିଧବା ମହିଳା ଙ୍କୁ ପ୍ରବଳ ଜାଡ ରୁ ରକ୍ଷା ପାଇବା ପାଇଁ ମୋଟ୍ ୫୦ ଟି କମ୍ବଳ ବଣ୍ଟନ କରିଛନ୍ତି। କଳଚିକଟା ମଠ ରେ ଥିବା ଜଣେ ମହିମା ଧର୍ମୀ ବାବାଙ୍କୁ କମ୍ବଳ ଓ ଏକ ମାସର ଶୁଖିଲା ଖାଦ୍ୟ ସାମଗ୍ରୀ ଯୋଗାଇ ଦେଇଛନ୍ତି। ସମାଜସେବୀ ଙ୍କ ଏଭଳି କାର୍ଯ୍ୟକୁ ସାଧାରଣ ରେ ଉଚ୍ଚ ପ୍ରଶଂସା କରିଛନ୍ତି। ଏହି ସବୁ କାର୍ଯ୍ୟକ୍ରମ ରେ ସ୍ଥାନୀୟ ଗ୍ରାମବାସୀ, ଆଠମଲ୍ଲିକ ଓକିଲ ସଂଘ ସଭାପତି ସୁଶାନ୍ତ କୁମାର ମହପାତ୍ର, ଅଗ୍ରଣୀ ସ୍ବେଚ୍ଛାସେବୀ ସଂଗଠନ ସମାଧାନ ର ସମ୍ପାଦକ ବିନୟ କୁମାର ପଟ୍ଟନାୟକ, ସମାଜ ସେବୀ ଶତୃଘ୍ନ ସାହୁ, ଅନାମ ଚରଣ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ।
