ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ):ସୋମବାର 30 ତାରିଖ ଠାରୁ ନଭେମ୍ବର ୫ ତାରିଖ ରବିବାର ପର୍ଯ୍ୟନ୍ତ ସମଗ୍ର ରାଜ୍ୟରେ ଦୁର୍ନୀତି ନିବାରଣ ସପ୍ତାହ ପାଳନ କରାଯିବ । ଏହି ପରିପ୍ରେକ୍ଷୀରେ ରାଜ୍ୟ ସ୍ତରୀୟ ଦୁର୍ନୀତି ନିବାରଣ ସପ୍ତାହ-୨୦୨୩ ସମାରୋହରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସ ଯୋଗେ ଶପଥ ପାଠ କରିବା ପରେ ସ୍ଥାନୀୟ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ କାର୍ଯ୍ୟରତ ସମସ୍ତ କର୍ମଚାରୀ ସଂଗଠିତ ହୋଇ ସାଧୁତାର ଶପଥ ପାଠ କରିଥିଲେ ଓ ଏତଦବ୍ୟତୀତ ବାଲିଗୁଡା ବ୍ଲକ କାର୍ଯ୍ୟାଳୟର ଅଶ୍ୱିନ ହଲ ଠାରେ ମଧ୍ୟ ଉପଖଣ୍ଡ ସ୍ତରୀୟ ସମସ୍ତ ବିଭାଗୀୟ କର୍ମଚାରୀ ଉପସ୍ଥିତ ରହି ରାଜ୍ୟ ସ୍ତରୀୟ ସମାରୋହରେ ଜଡ଼ିତ ହେବା ସହିତ ସାଧୁତାର ଶପଥ ପାଠ କରିଥିଲେ l
