ରାୟଗଡା,(ପ୍ରଫୁଲ କୁମାର ବେହେରା): ସକାଳୁ ସକାଳୁ ଭୋର ସମୟରେ ଜଣେ ଠେଲା ଚଳକଙ୍କ ଉପରକୁ ଚଢ଼ିଗଲା କଣ୍ଟେନର। ରାଉରକେଲା ଠାରୁ ବିଶାଖାପାଟଣା ଯାଇଥିବା ଏକ କଣ୍ଟେନାର ଭାରସାମ୍ୟ ହରାଇ ପୂର୍ତ୍ତ ବିଭାଗ ଡାକ ବଙ୍ଗଳା ଛକ ନିକଟରେ ଦୁର୍ଘଟଣା ଗ୍ରସ୍ତ ହୋଇଥିଲା । ଫଳରେ ଉକ୍ତ ଛକରେ ମାଛ ନେଇ ଆସୁଥିବା ଠେଲା ଚାଳକଙ୍କ ଉପରେ କଣ୍ଟନରଟି ଚଢ଼ିଗଲା। ଘଟଣାସ୍ଥଳରେ ହିଁ ଠେଲା ଚାଳକଙ୍କ ମୃତ୍ୟୁ ଘଟିଛି। ସେ ହେଉଛନ୍ତି ରାୟଗଡ଼ା ଉପକଣ୍ଠ ନିକଟସ୍ଥ ଖଲିଗୁଡ଼ା ଗ୍ରାମର ବି ପ୍ରକାଶ ରାଓ। ସେ ନିତିଦିନ ପୂର୍ତ୍ତ ବିଭାଗ ଡାକ ବଙ୍ଗଳା ଛକ ନିକଟକୁ ମାଛ ବିକାଳିଙ୍କ ମାଛ ଆଣି ପହଞ୍ଚାଇଥାନ୍ତି। ସୂଚନା ଅନୁଯାୟୀ ଦୁଇ ବର୍ଷ ପୂର୍ବେ ତାଙ୍କ ସ୍ତ୍ରୀ ମଧ୍ୟ ଏକ ଦୁର୍ଘଟଣାର ଶିକାର ହୋଇ ବର୍ତ୍ତମାନ ସୁଦ୍ଧା ଚିକିତ୍ସାଧୀନ ଅଛନ୍ତି। ମୃତ ପ୍ରକାଶଙ୍କର ଦୁଇ ଝିଅ ଅଛନ୍ତି। ପ୍ରକାଶଙ୍କ ପରିବାର ଆର୍ଥିକ ସ୍ଥିତି ଦୁର୍ବଳ ରହିଥିବା ନେଇ ଖଲିଗୁଡ଼ା ଗ୍ରାମବାସୀ ପ୍ରକାଶ କରିଛନ୍ତି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି। ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି। ତେବେ ମୃତକଙ୍କ ପରିବାରକୁ ଆର୍ଥିକ କ୍ଷତି ପୂରଣ ଦାବି ରେ ସ୍ଥାନୀୟ ଲୋକେ ଅଡି ବସିଛନ୍ତି। ୟେଲା କୋଣ୍ଡା ବାବୁ ସେହି ମୃତ ପ୍ରକାଶଙ୍କର ପରିବାର କୁ ଦଶ ହଜାର ଟଙ୍କା ସାହାଯ୍ୟ କରିଲେ।
