ରାୟଗଡ଼ା,୦୮/୧୦ (ପ୍ରଫୁଲ୍ଲ କୁମାର ବେହେରା): ରାୟଗଡ଼ା ଜିଲ୍ଲା କାଶିପୁର ବ୍ଲକ ପୋଡାପାଡି ପଞ୍ଚାୟତ ବନ୍ଧପଦର ଗ୍ରାମର ପହିଲି ମାଝି ଚାରିଦିନ ହେଲା ନିଖୋଜ ଥିଲେ । ସୂଚନା ଅନୁଯାୟୀ ପହିଲି ମାଝି ବୁଧବାର ଦିନ ଦଶହରା ଦିନ କେଉଁ ଆଡେ ପଳେଇଯାଇଥିଲେ । ଗୋଟିଏ ଦିନରେ ଅପେକ୍ଷା କରିବା ପରେ ପହିଲି ମାଝି ଙ୍କ କୈାଣସି ଖଵର ନ ମିଳିବାରୁ ଗୁରୁବାର ଦିନ ପହିଲି ମାଝି ଙ୍କ ପରିବାର ଆସି ଟିକିରି ଥାନା ର ଏକ ଲିଖିତ ଆକାରରେ ଅଭିଯୋଗ କରିଥିଲେ । ଟିକିରି ପୋଲିସ ପକ୍ଷରୁ ତଦନ୍ତ ଚାଲିଥିଲେ ମଧ୍ୟ କୈାଣସି ଖବର ମିଳିପାରିନଥିଲା । ଆଜି ସ୍ଥାନୀୟ ଯୁବକ ସନ୍ଦେହ ଜନକ ଅବସ୍ଥା ରେ ପୋଖରୀ ରେ ଏକ ବସ୍ତା ପଡିଥିବା ଦେଖିଥିଲେ ଓ ଟିକିରି ପୋଲିସ କୁ ଖବର ଦେଇଥିଲେ । ଟିକିରି ପୋଲିସ ପହଞ୍ଚି ବସ୍ତା ଦେଖିବା ପରେ ମୃତ ଦେହ ଥିବା ସନ୍ଦେହ ହେବାରୁ ପୋଲିସ ପକ୍ଷରୁ ଦମକଳ ବାହୀନି କୁ ସୂଚନା ଦେଇଥିଲେ ଏହା ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ବସ୍ତା କୁ ଉଦ୍ଧାର କରିବା ବେଳେ ଜଣା ପଡିଥିଲା ଯେ ଏହି ବସ୍ତା କୁ ପଥର ସହ ବାନ୍ଧି ପୋଖରୀ ଭିତରକୁ ପକାଇ ଦେଇଥିବା ଦେଖିବାକୁ ମିଳିଥିଲା । ପୋଲିସ ବିଭାଗ ତରଫରୁ ଏହାର ତଦନ୍ତ ଆରମ୍ଭ କରାଯାଇଛି ପରେ ସଷ୍ଟ ଭାବେ ଜଣାପଡିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
