ରାଜଗାଙ୍ଗପୁର,୨୯/୦୬(ମନୋଜ ଭୋଳ) :- ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହରରେ ଆଜି ସକାଳେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି | ରାଜଗାଙ୍ଗପୁର ସହର ସ୍ଥିତ ସୁରୁଡି ଓ ପଦା ଗ୍ରାମ କୁ ଯାଉଥିବା ରାସ୍ତା କଡ଼ରେ ଥିବା ଏକ ଗଛରେ ଜଣେ ବ୍ୟକ୍ତି ଙ୍କ ଝୁଲନ୍ତା ଅବସ୍ଥା ରେ ମୃତ ଦେହ ଉଦ୍ଧାର କରିଛି ରାଜଗାଙ୍ଗପୁର ପୋଲିସ | ବ୍ୟକ୍ତି ଜଣକ କୌଣସି କାରଣ ରୁ ଆତ୍ମ ହତ୍ୟା କରିଥିବା ଜଣାପଡିଛି | ପ୍ରାପ୍ତ ସୂଚନା ଅନୁଯାଇ ଆଜି ସକାଳେ ରାଜଗାଙ୍ଗପୁର ସହର ର ମାଟି ଗେଟ ଠାରୁ ସୁରୁଡି ଓ ପଦା ଗ୍ରାମକୁ ଯାଉଥିବା ରାସ୍ତା ରେ ଆସୁଥିବା ଲୋକ ମାନେ ରାସ୍ତା କଡ଼ରେ ଗଛରେ ଜଣେ ବ୍ୟକ୍ତିଙ୍କ ମୃତ ଦେହ ଝୁଲୁଥିବା ଦେଖିବାକୁ ପାଇଥିଲେ |
ଏ ନେଇ ପୋଲିସ କୁ ଖବର ଦେବା ପରେ ଘଟଣା ସ୍ଥଳ ରେ ରାଜଗାଙ୍ଗପୁର ପୋଲିସ ପହଁଚି ତଦନ୍ତ କରୁଥିବା ବେଳେ ମୃତ ବ୍ୟକ୍ତି ଜଣଙ୍କ ପରିଚୟ ସେ ରାଜଗାଙ୍ଗପୁର ସହର ଇଲେକ୍ଟ୍ରି କଲୋନୀର ବିମଲ ବେହେରା ବୋଲି ଜଣା ପଡିଛି |ସେ ସାରଳା ସିକ୍ୟୁରିଟି ରେ କାମ କରୁଥିଲେ | ଏ ଖବର ଜଣାପଡିବା ପରେ ତାଙ୍କ ସ୍ତ୍ରୀ ଓ ପରିବାର ଲୋକ ଘଟଣା ସ୍ଥଳ କୁ ଆସିଥିବା ବେଳେ ସେଠାରେ ଶୋକାକୁଳ ପରିବେଶ ଦେଖିବାକୁ ମିଳିଥିଲା | ସ୍ଥାନୀୟ ଲୋକଙ୍କ ସହାୟତା ରେ ପୋଲିସ ମୃତ ଦେହ କୁ ଗଛରୁ ଓଲ୍ଲାହିଁ ବ୍ୟବଛେଦ ପାଇଁ ଆମ୍ବୁଲାଏନ୍ସ ଯୋଗେ ରାଜଗାଙ୍ଗପୁର ସରକାରୀ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ପଠାଇଥିବା ଜଣା ପଡିଛି |
