ରାଜଗାଙ୍ଗପୁର, (ମନୋଜ ଭୋଳ ଙ୍କ ରିପୋର୍ଟ):-ରାଜଗାଙ୍ଗପୁର ସହର ରେ ଆଜି ଏ ଦୁଃଖଦ ଘଟଣା ଘଟିଛି ।ବିଦ୍ୟୁତ ସଂସ୍ପର୍ଶ ରେ ଆସି ଦୁଇ ଜଣ ଯୁବକ ଙ୍କ ମୃତ୍ୟୁ ହୋଇଥିବା ଜଣା ପଡ଼ିଛି ।ସୂଚନା ରୁ ପ୍ରକାଶ ଯେ ରାଜଗାଙ୍ଗପୁର ବ୍ଲକ ଅନ୍ତର୍ଗତ କୁକୁଡ଼ା ପଞ୍ଚାୟତ ର ସୁଜଳ ଏକ୍କା (୧୭),ଝଗରପୁର ପଞ୍ଚାୟତ ର ବିରେନ୍ଦ୍ର କୁଜୁର ସବୁଦିନ ପରି ଆଜି ମଧ୍ୟ ଅଲଣ୍ଡା ପଂଚାୟତ ଅନ୍ତର୍ଗତ ଗରିଆମାଲ ଠାରେ ଥିବା ହକି ପ୍ରଶିକ୍ଷଣ କେନ୍ଦ୍ର ଯାହା ଗରିଆ ମାଲ ଗ୍ରାମ ନିବାସୀ ସୁନୀଲ ତିଗା ଙ୍କ ତତ୍ୱାବଧାନ ରେ ଚାଲିଛି ସେଠାକୁ ଯାଇଥିଲେ । ହକି ଅଭ୍ୟାସ ପରେ ସୁନୀଲ ତିଗା ସୁଜଳ,ବିରେନ୍ଦ୍ର ଓ ଅନ୍ୟ କିଛି ଯୁବକ ଙ୍କୁ ତାଙ୍କ ଘର ପାଖରେ ଥିବା ବିଜୁଳି ତାର କୁ ସଜାଡି ପାଇଁ କହିଥିଲେ ।
ସୁଜଳ ଓ ବିରେନ୍ଦ୍ର ଏହି କାର୍ଯ୍ୟରେ ଅନ୍ୟ ମାନଙ୍କ ସହ ମିଶି ସୁନୀଲ ତିଗା ଙ୍କ କହିବା ଅନୁଯାୟୀ କାର୍ଯ୍ୟ ରେ ସହଯୋଗ କରିଥିବା ବେଳେ ଘର ପାଖରେ ଥିବା ୧୧ କେଭି ବିଦ୍ୟୁତ ତାର ରେ ଲୁହା ପାଇପ ଲାଗି ଯିବାରୁ ବିଦ୍ୟୁତ ଆଘାତ ଲାଗିଥିଲା ।ସ୍ଥାନୀୟ ଲୋକଙ୍କ ସହାୟତା ରେ ସୁଜଳ ଓ ବିରେନ୍ଦ୍ର କୁ ରାଜଗାଙ୍ଗପୁର ସ୍ୱାସ୍ଥ୍ୟ କେନ୍ଦ୍ର କୁ ଅଣାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ ।ମୃତ ଯୁବକ ଙ୍କ ପରିବାର ଓ ଗ୍ରାମରେ ଶୋକ ର ଛାୟା ଖେଳି ଯାଇ ଥିବା ବେଳେ ରାଜଗାଙ୍ଗପୁର ସରକାରୀ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ଉଭୟ କୁକୁଡ଼ା ଓ ଝଗରପୁର ଗ୍ରାମ ର ସରପଞ୍ଚ ଉପସ୍ଥିତ ଥିବା ଦେଖିବାକୁ ମିଳିଥିଲା ।ଏହା ସହ ମୃତ ଯୁବକ ୨ଜଣକ ଙ୍କ ପରିବାର ପକ୍ଷରୁ ସୁନୀଲ ତିଗା ଉପରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।
