ବାଲିଗୁଡା, (ସଞ୍ଜୟ କୁମାର ପାଣିଗ୍ରାହୀ) :କନ୍ଧମାଳ ଜିଲ୍ଲା ବାଲିଗୁଡାର ସତ୍ୟାସାଇ ମନ୍ଦିର ପରିସରରେ ସତ୍ୟସାଇ ବାବା ଙ୍କ ଆରାଧନା ଦିବସ ପାଳନ ହୋଇଯାଇଛି । ଏହି ଅବସରରେ ପ୍ରାତଃରୁ ଓଁକାର, ସୁପ୍ରଭାତମ, ନଗର ସଂକୀର୍ତନ ଓ ମନ୍ଦିର ପରିସରରେ ସେବା କାର୍ଯ୍ୟ କରାଯାଇଥିଲା । ଏହାପରେ ସକାଳ ୮ଟାରେ ପ୍ରଶାନ୍ତି ପତାକା ଉତୋଳନ ସହ ଷୋଢଶ ଉପଚାର ପୁଜା, ଜରାଶ୍ରମରେ ଶୁଖିଲା ଖାଦ୍ୟ ପୁଡିଆ ବଣ୍ଟନ, ଅଖଣ୍ଡ ରୁଦ୍ରମ ପଠନ କରା ଯାଇଥିଲା l ନାରାୟଣ ସେବା କରିବା ପରେ ସନ୍ଧ୍ୟା ସମୟରେ ସମୁହ ଦୀପଦାନ,ଭଜନ,ସର୍ବଧର୍ମ ପ୍ରାର୍ଥନା ନୀରବ ପ୍ରାର୍ଥନା,ଜ୍ୟୋତି ଆବାହନ, ବାଙ୍କ ପାଦପଦ୍ମରେ କୃତଜ୍ଞତାର ଚିଠିଅର୍ପଣ, ଆରାଧନାନ ସଂଗିତ, ପୂଜ୍ୟରାଜ୍ୟ ସଭାପତିଙ୍କ ଅଡିଓ ବାର୍ତା, ସତସଙ୍ଗ ସହ ଆଳତୀ କରାଯାଇଥିଲା । ସତସଙ୍ଗରେ ଜିଲ୍ଲା ସଭାପତି ଡଃ.ମଧୁସୁଦନ ମହାପାତ୍ର ସାଇବାବା ଙ୍କୁ ଆବାହନ କରି ଅନୁପ୍ରାଣିତ କର, ସଂପୃକ୍ତ ହୁଅ ଓ ବିକଶିତ ହୁଅ ଉପରେ ଆଲୋକପାତ କରିଥିଲେ । ସମିତି ଆବାହକ ସୁରେନ୍ଦ୍ର ନାଥ ସାହୁ, ରାଜେନ୍ଦ୍ର ପାତ୍ର, ନଳିନୀକାନ୍ତ ରଥ, ମନ୍ମଥ କୁମାର ରାଉଳ, ସସ୍ମିତା ପଣ୍ଡା, ଦୀପ୍ତିମଂଜରୀ ପାଣିଗ୍ରାହୀ, ଏ.ଜ୍ୟୋତି ରାଣି, ଲକ୍ଷ୍ମିପ୍ରୀୟା ପାତ୍ର ସମେତ ସମସ୍ତ ସାଇ ଆଶ୍ରିତ ମାନେ ଉପସ୍ଥିତ ଥିଲେ ।
