କାଳୁପଡ଼ା ଘାଟ:-୧୬/୧୨(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ କାଳୁପଡ଼ା ଘାଟ ବଜାର ଅଁଳାଡିହ ଛକରେ ଥିବା ଜୟ ହନୁମାନ ମେଡ଼ିସିନ ଷ୍ଟୋରର ଦୋକାନ ଛାତ ସ୍କାଇ ଲାଇଟ ଭାଙ୍ଗି କେହି ଦୁର୍ବୁର୍ତ୍ତ ସୋମବାର ରାତିରେ ସିସିଟିଭି ର ହାର୍ଡ ଡିସ୍କ ଏବଂ ନଗଦ ଦଶ ହଜାରରୁ ଅଧିକ ଟଙ୍କା ଚୋରି କରି ନେଇଥିଲା।ଏ ନେଇ ଟାଙ୍ଗୀ ଥାନାରେ ଦୋକାନୀ ଙ୍କ ତରଫରୁ ଲିଖିତ ଅଭିଯୋଗ ହେବା ପରେ ଟାଙ୍ଗୀ ପୋଲିସ ବିଭିନ୍ନ ଦିଗରୁ ତଦନ୍ତ କରି ଚଣ୍ଡେଶ୍ୱର ଅଞ୍ଚଳର ପାରି ଓରଡ଼ ଗ୍ରାମର ମହେଶ ପ୍ରଧାନକୁ ଗିରଫ କରି କୋର୍ଟ ଚାଲାଣ କରିଛି।
ସମ୍ପୃକ୍ତ ଅଭିଯୁକ୍ତ ମହେଶ ଠାରୁ ଏକ ଚୋରା ଗାଡି ଜବତ ମଧ୍ୟ କରିଛି ଟାଙ୍ଗୀ ପୋଲିସ।ସମ୍ପୃକ୍ତ ଯୁବକ ଜଣକ ଜଣେ ମାନସିକ ବିକୃତ ଯୁବକ ବୋଲି ସ୍ଥାନୀୟ ଅଞ୍ଚଳବାସୀ କହୁଥିବା ବେଳେ ଚୋରି ହୋଇଥିବା ଦୋକାନ ମାଲିକ ଏବଂ ସ୍କାଇ ଲାଇଟ ଭାଙ୍ଗିଥିବା ସ୍ଥାନ ଛୋଟ ଥିବାରୁ ଏହା କୌଣସି ଛୋଟ ପିଲାଙ୍କର କାମ ବୋଲି କିଛି କହିଛନ୍ତି କିନ୍ତୁ ଏନେଇ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ୪୯୭/୨୧ ରେ ମାମଲା ରୁଜୁକରି କୋର୍ଟ ଚାଲାଣ କରିଛନ୍ତି।
