ଚାନ୍ଦପୁର:-୨୪/୧୧(ବିନୁ ଦାସ୍):-ଚାନ୍ଦପୁର ଥାନା ଅନ୍ତର୍ଗତ ଚମ୍ପାଗଡ଼ ଅଞ୍ଚଳର ସୁକାନ୍ତ ଦାସ୍ ଙ୍କର ଘରେ ଗତରାତ୍ରି ରେ ବାଣପୁର ଅଞ୍ଚଳର ଗାଲୁଆ ଗ୍ରାମର ଅଭିଯୁକ୍ତ ଦୀପକ ତ୍ରିପାଠୀ ଛାତ ସ୍କାଇ ଲାଇଟ ଭାଙ୍ଗି ଘରେ ପଶି ଏକ ମାରୁତି ଅଲ୍ଟୋ କାର୍ ଚୋରି କରି ନେଇଥିଲା ।ଅଭିଯୁକ୍ତ ଦୀପକ କୁ ଚାନ୍ଦପୁର ପୋଲିସ ଗିରଫ କରି ୧୫୯/୨୧ ରେ ମାମଲା ରୁଜୁକରି ୪୫୭/୩୮୦ ଦଫା ଅନୁଯାୟୀ କୋର୍ଟ ଚାଲାଣ କରିଛି । ଅଭିଯୁକ୍ତ ଦୀପକକୁ ଚାନ୍ଦପୁର ଥାନାର ରାତ୍ରକାଳୀନ ପେଟ୍ରୋଲିଂ ଟିମ୍ ଧରିଥିବା ବେଳେ ଦୀପକ ଠାରୁ ମାରୁତି ଅଲ୍ଟୋ କାର୍ ଟି ମଧ୍ୟ ଜବତ କରିଛି ଚାନ୍ଦପୁର ପୋଲିସ।
ଅପରପକ୍ଷରେ ଚାନ୍ଦପୁର ଥାନାଧିକାରୀ ରଶ୍ମି ରଞ୍ଜନ ଦାସ୍ କହିଛନ୍ତି କି ଅଭିଯୁକ୍ତ ଦୀପକ ଚୋରି ଡ଼କାୟତ ରେ ପୂର୍ବରୁ ସାମିଲ ଥିବା ବେଳେ ଦୀପକ ଜଣେ ଚୋରା ନିଶା ବ୍ୟବସାୟୀ ଯାହାକି ବ୍ରାଉନ ସୁଗାର ଏବଂ ମଦ ବିକ୍ରି କରୁଥିବା ସୂଚନା ଦେଇଛନ୍ତି।ଘଟଣା କୁ ଗୁରୁତ୍ୱ ଦେଇ ଅଧିକ ଖୋଲତାଡ଼ କରୁଛି ଚାନ୍ଦପୁର ପୋଲିସ।ଚାନ୍ଦପୁର ଥାନାଧିକାରୀ ଙ୍କର ଏଭଳି ଜନସେବା କୁ ଅଞ୍ଚଳବାସୀ ଙ୍କର ପ୍ରଶଂସା ର ପାତ୍ର ହୋଇଛନ୍ତି।
