ଚିଲିକା/୨୦/୦୮(ବିନୁ ଦାସ୍):-ଚିଲିକା ନିର୍ବାଚନ ମଣ୍ଡଳୀର ବାଲୁଗାଁ ସ୍ଥିତ ଅଶୋକ ନଗର ବଣିକ ସଙ୍ଘଠାରେ ବିଜେଡିର ନିର୍ବାଚନ ମଣ୍ଡଳୀ ସ୍ତରୀୟ କାର୍ଯକର୍ତ୍ତା ବୈଠକ ଅନୁଷ୍ଠିତ ହୋଇଯାଇଛି l ପାଖେଇ ଆସିଲାଣି ପଂଚାୟତ ଓ ପୌର ନିର୍ବାଚନ ତେଣୁ ଦଳ ବଳ ଏକାଠି କରିବାକୁ ବିଜେଡି ତରଫରୁ ଜୋର ସୋର ପ୍ରସ୍ତୁତି ଆରମ୍ଭ ହୋଇଯାଇଛି l
ଏହି କାର୍ଯ୍ୟକ୍ରମରେ ଚିଲିକା ନିର୍ବାଚନ ମଣ୍ଡଳୀର ବିଧାୟକ ପ୍ରଶାନ୍ତ ଜଗଦେବ, ବିଜେଡି ମିଡ଼ିଆ ସେଲ ଅଧକ୍ଷ ମାନସ ମଙ୍ଗରାଜ, ବରିଷ୍ଠ ନେତ୍ରୀ ପ୍ରମିଳା ମଲ୍ଲିକ ,ଖୋର୍ଦ୍ଧା ବିଧାୟକ ଜିତୁ ମିତ୍ର, ବେଗୁନିଆ ବିଧାୟକ ରାଜେନ୍ଦ୍ର ସାହୁ, ପୂର୍ବତନ ମନ୍ତ୍ରୀ ଦେବେନ୍ଦ୍ର ନାଥ ମାନସିଂହ ସମେତ ବହୁ ରାଜ୍ୟ ସ୍ତରୀୟ ନେତୃ ମଣ୍ଡଳି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ l
ଏହି ବୈଠକରେ ଚିଲିକା ନିର୍ବାଚନ ମଣ୍ଡଳୀର ବହୁ ବିଜେଡି କର୍ମୀ ଓ ତୃଣମୂଳ ସ୍ତରର ନେତୃ ମଣ୍ଡଳୀ ସାମିଲ ହୋଇଥିଲେ l କିଭଳି ଭାବରେ ଆଗାମୀ ନିର୍ବାଚନରେ ଦଳ ତାର ବିଜୟ ଧରା ବଜାଇ ରଖିବ ସେଥିପାଇଁ ସମସ୍ତେ ମିଶି କାମ କରି ନିର୍ବାଚନ ମଣ୍ଡଳୀର ପ୍ରତିଟି ଲୋକକୁ ମିଶି ସେମାନଙ୍କ ସମସ୍ୟା ସମାଧାନ ସାଙ୍ଗକୁ ରାଜ୍ୟ ସରକାରଙ୍କ ସମସ୍ତ କଲ୍ୟାଣୀ କାରି ଯୋଜନା ବିଷୟରେ ଲୋକମାନଙ୍କୁ ଅବଗତ କରାଇବା ପାଇଁ ଦଳ ପକ୍ଷରୁ ଆହ୍ୱାନ ଦିଆଯାଇଛି l
