ଢେଙ୍କାନାଳ, ୦୮/୦୮,ଢେଙ୍କାନାଳର ସଦର ବ୍ଲକ ଅନ୍ତର୍ଗତ ରାଧାଦେଇପୁର ପଂଚାୟତ ର ନୂତନ ପଂଚାୟତ କାର୍ଯ୍ୟାଳୟ ଗୃହ ପ୍ରତିଷ୍ଠା ହୋଇଯାଇଛି । ରାଧାଦେଇପୁର ଗ୍ରାମଟି ପୂର୍ବ ନିର୍ବାଚନ ଠାରୁ ସ୍ୱତନ୍ତ୍ର ହୋଇ ଏକ ପଂଚାୟତ ସୃଷ୍ଟି ହୋଇଥିବା ସ୍ଥଳେ ଏହାର ଆଜି ନୂତନ କାର୍ଯ୍ୟାଳୟ ପ୍ରତିଷ୍ଠା ହୋଇଯାଇଛି । ଏଥି ସମେତ ବଣସିହଁ ଗ୍ରାମପଂଚୟତରେ ନୂତନ ଅତିଥି ଗୃହ , ମାର୍କେଟ କମ୍ପ୍ଲେକ୍ସର ମଧ୍ୟ ଉଦ୍ଘାଟନ ହୋଇଯାଇଛି ।ଆଜିର ଏହି କାର୍ଯ୍ୟକ୍ରମରେ ଢେଙ୍କାନାଳ ତଥା ଅନୁଗୁଳର ସାଂସଦ ମହେଶ ସାହୁ, କାମାକ୍ଷାନଗର ନିର୍ବାଚନ ମଣ୍ଡଳୀର ବିଧାୟକ ତଥା ମନ୍ତ୍ରୀ ପ୍ରଫୁଲ୍ଲ ନାୟକ , ଢେଙ୍କାନାଳର ଜିଲ୍ଲାପାଳ ଭୁମେଶ ଚନ୍ଦ୍ର ବେହେରା, ପ୍ରକଳ୍ପ ନିର୍ଦେଶକ ସାଫଲ୍ୟ ମଣ୍ଡିତ ପ୍ରଧାନ, ସଦର ବିଡ଼ିଓ ବିଭୁତି ଭୂଷଣ ନାୟକ, ଅଧକ୍ଷା ସଦର ପଂଚାୟତ ସମିତି ମାନନୀୟ। ଶ୍ରୀମତୀ ପଦ୍ମିନୀ ନାୟକ, ପଂଚାୟତ ସମିତିର ଉପଧକ୍ଷ ଶ୍ରୀଯୁକ୍ତ ନରୋତ୍ତମ ସାହୁ, ବନସିଂ ଗ୍ରାମପଂଚୟତର ସରପଞ୍ଚ କପିଳ କୁମାର ଘଡେ଼ଇ, ସମିତି ସଭ୍ୟା ସେବତୀ ଭୋଇ, ରାଧାଦେଇପୁର ପଂଚାୟତର ସରପଞ୍ଚ ଙ୍କ ସମେତ ଅନେକ ବ୍ୟକ୍ତି ବିଶେଷ ଯୋଗ ଦେଇଥିଲେ ।
