ଟାଙ୍ଗୀ:-୦୨/୦୮(ବିନୁ ଦାସ୍):-ଜାତୀୟ ରାଜପଥ ୧୬ ଅନ୍ତର୍ଗତ ଚମ୍ପାଗଡ଼ ଛକ ନିକଟରେ ନିରାକାର ପୁର ପଦ୍ମପୁର ଅଞ୍ଚଳର ସଞ୍ଜୟ ବେହେରା ନାମକ ଯୁବକ ନିଜ ଗ୍ରାମ ନିରାକାର ପୁର ରୁ କୁହୁଡି ଆସୁଥିବା ବେଳେ ଅସାବଧାନତା ଯୋଗୁଁ ଯୁବକ ଜଣକ ଗୁରୁତର ଆହତ ଅବସ୍ଥାରେ ପଡ଼ି ରହିଥିଲେ । ସେହି ରାସ୍ତା ଦେଇ ହଜାର ହଜାର ଗାଡି ମଟର ଯିବା ଆସିବା କରୁଥିଲେ ବି କେହି ଗୁରୁତର ଆହତ ଅବସ୍ଥାରେ ପଡିରହିଥିବା ସଞ୍ଜୟକୁ ଉଦ୍ଧାର କରିନଥିଲେ । ଏହି ସମୟରେ କାଳୁପଡ଼ା ଘାଟ ତାରିମି ଗ୍ରାମର ଶିବ ଶଙ୍କର ପ୍ରଧାନ ଯିଏକି ଅସହାୟ ଙ୍କର ଦେବଦୂତଭାବରେ ସଦାବେଳେ ପହଁଚି ନିଜର ସେବା ପ୍ରଦାନ କରିଥାଏ।
ଶିବ ସରକାରୀ ଆମ୍ବୁଲାନ୍ସ କୁ ଅପେକ୍ଷା ନକରି ନିଜର ବାଇକ୍ ଯୋଗେ ଦୁର୍ଘଟଣାରେ ଆହତ ସଞ୍ଜୟ କୁ ଚାନ୍ଦପୁର ବସନ୍ତ ମଞ୍ଜରୀ ହସ୍ପିଟାଲ ରେ ଭର୍ତ୍ତି କରି ପ୍ରାଥମିକ ଚିକିତ୍ସା କରିଛନ୍ତି । ଶିବ ଏମିତି ଜଣେ ପରୋପକାରୀ ଯୁବକ ସେ ଟ୍ରେନ ଦୁର୍ଘଟଣା ରେ ଆହତ ହେଉ କି କୌଣସି ଡାକ୍ତରଖାନାରେ କୌଣସି ରୋଗୀ ର ବିଭିନ୍ନ ଚିକିତ୍ସା ପାଇଁ ସଦାବେଳେ ସହଯୋଗ କରିଥାନ୍ତି । ମାନବ ସେବା ମାଧବ ସେବା ରେ ସମର୍ପିତ ଶିବ କୁ ବିପ୍ଲବ ନିଉଜ୍ ପରିବାର ତରଫରୁ ଏଭଳି ମହତ କାର୍ଯ୍ୟ ପାଇଁ ଧନ୍ୟବାଦ ଜଣାଇଛନ୍ତି।
